লাইফলাইন উড়ান সেৱাৰ কামত জড়িত হৈ এয়াৰ ইণ্ডিয়া, এলায়েন্স এয়াৰ, ভাৰতীয় বায়ু সেনা আৰু বেচৰকাৰী সংস্থাৰ ৪৪৩ খন বিমানে যোৱা তিনি মে’ পর্যন্ত এই সেৱাৰ মাধ্যমেৰে ৪,৩৪,৫৩১ কিলোমিটাৰ আকাশীপথ অতিক্ৰম কৰি এই মালবাহী বিমানকেইখনে ৮২১.০৭ টন পণ্য সামগ্ৰী কঢ়িয়াবলৈ সক্ষম হৈছে | উল্লেখ্য যে এই বিমানসমূহৰ ভিতৰত ২৬৫খন বিমান এয়াৰ ইণ্ডিয়া আৰু এলায়েন্স এয়াৰৰ। ক’ভিড-১৯ সংক্রমণৰ পৰিপ্ৰেক্ষিতত দেশজুৰি চলি থকা তলাবন্ধৰ সময়ছোৱাত দেশৰ এই যুঁজখনলৈ সমর্থন আগবঢ়াই অসামৰিক বিমান পৰিবহন মন্ত্ৰালয়ে এই লাইফলাইন উড়ানবোৰ নিয়ন্ত্রণ কৰি দেশৰ ভিন্ন অঞ্চললৈ প্রয়োজনীয় চিকিৎসা সামগ্রী সৰবৰাহ অব্যাহত ৰাখিছে ।
বিমানসমূহ জড়িয়তে উত্তৰ পূর্বাঞ্চল, ব-দ্বীপ অঞ্চল আৰু পাহাৰীয়া এলেকাবোৰৰ প্রতি বিশেষ নজৰ দিয়া হৈছে। জম্মু আৰু কাশ্মীৰ, লাদাখ, ব-দ্বীপ অঞ্চল আৰু উত্তৰ পূর্বাঞ্চলৰ ৰাজ্যবোৰলৈ সামগ্ৰী কঢ়িওৱাৰ ক্ষেত্ৰত পৱনহংস লিমিটেডসহ অন্যান্য হেলিকপ্টাৰ সেৱাও ব্যৱহাৰ কৰা হৈছে। মূলতঃ চিকিৎসা সামগ্রী আৰু অসুস্থ লোকসকলৰ পৰিবহনৰ বাবে এই সেৱা ব্যৱহাৰ কৰা হৈছে। উল্লেখ্য যে চলিত বৰ্ষৰ তিনি মে’ পর্যন্ত পৱনহংস হেলিকপ্টাৰ সেৱাৰ মাধ্যমেৰে ৭,৭২৯ কিলোমিটাৰ আকাশাপথ অতিক্ৰমী ২.২৭ টন পণ্য সামগ্ৰী পৰিবহণ কৰিবলৈ সক্ষম হৈছে ।
ইয়াৰ উপৰি আভ্যন্তৰীণ পণ্য সেৱা সংস্থা স্পাইছ জেট, ব্লু ডার্ট আৰু ইণ্ডিগ’ৱে বাণিজ্যিক ভাৱে পণ্য সেৱা প্ৰদান কৰি আহিছে। স্পাইছ জেটৰ ৭৭৫ খন মালবাহী বিমানেৰে বিগত ২৪ এপ্রিলৰ পৰা তিনি মে’ পর্যন্ত ১৩,৩১,২২৬ কিলোমিটাৰ আকাশীপথ অতিক্ৰমী ৫,৬১৭ টন পণ্য বহন কৰিছে। ইয়াৰ ভিতৰত আছে ২৮৩ খন আন্তর্জাতিক বিমানো। ব্লু ডার্টে ইয়াৰ ২৫৬ খন মালবাহী বিমানেৰে বিগত ২৫ এপ্রিলৰ পৰা তিনি মে’ পর্যন্ত ২,৮৩,৩৫৮ কিলোমিটাৰ আকাশীপথ অতিক্ৰমী ৪,৪০৫ টন সামগ্ৰী কঢ়িয়াইছে। ইয়াৰ ভিতৰত ১৩ খন আন্তর্জাতিক মালবাহী বিমানো আছিল। বিগত তিনি এপ্রিলৰ পৰা তিনি মে’ পর্যন্ত ইণ্ডিগ’ৱৰ ৮৮ খন মালবাহী বিমানেৰে ১,৪৬,৫৪৭ কিলোমিটাৰ আকাশীপথ অতিক্ৰমী ৪৪২ টন সামগ্ৰী কঢ়িয়াইছে। ইয়াৰ ভিতৰত ৩৩ খন আন্তর্জাতিক মালবাহী বিমানো আছে। বেচৰকাৰী সংস্থাৰ বিমানবোৰে চৰকাৰৰ বাবে জৰুৰী সেৱা প্ৰদান কৰিছে সম্পূৰ্ণ বিনামূল্যে।
ভিস্তাৰা বিমান সংস্থাই বিগত ১৯ এপ্রিলৰ পৰা তিনি মে’ পর্যন্ত ২০খন মালবাহী বিমানেৰে ২৮,৫৯০ কিলোমিটাৰ আকাশীপথ অতিক্ৰমী ১৩৯ টন সামগ্ৰী কঢ়িয়াইছে। ক’ভিড-১৯ সংক্রান্তীয় সামগ্রী, চিকিৎসা সা-সৰঞ্জাম আৰু ঔষধ পৰিৱহণৰ বাবে আন্তঃর্জাতিক ক্ষেত্রত পূৱ এছিয়াৰ স’তে এক পণ্য এয়াৰ ব্রীজ স্থাপন কৰা হৈছে। এয়াৰ ইণ্ডিয়াই ৯৩০ টন চিকিৎসা সামগ্রী এই পথেৰেই কঢ়িয়াই আনিছে। ইয়াৰ সমান্তৰালকৈ ব্লু ডার্টে বিগত ১৪ এপ্রিলৰ পৰা তিনি মে’ পর্যন্ত সাংহাই আৰু গুয়াংঝৌৰ পৰা ১১৪ টন পণ্যসামগ্ৰী কঢ়িয়াই আনিছে। হংকংৰ পৰা পণ্য পৰিবহণ কৰা হৈছে ২৪ টন সামগ্ৰী। স্পাইছ জেটে তিনি মে’ পর্যন্ত সাংহাই আৰু গুয়াংঝৌৰ পৰা ২০৪ টন চিকিৎসা সামগ্রী কঢ়িয়াই আনিছে আৰু সেইখিনি সময়তেই হংকং আৰু ছিংগাপুৰৰ পৰা ১৬ টন চিকিৎসা সামগ্রী কঢ়িয়াই আনিছে।