বলিউদত এতিয়া দাঢ়ি -গোঁফৰ পয়োভৰ

এটা সময়ত বলিউদৰ পুৰুষ তাৰকাসকলেও নিজৰ মুখৰ সৌন্দৰ্য ৰ প্রতি গুৰুত্ব আৰোপ কৰিছিল । গালৰ দাঢ়িটো বাদেই, নাকৰ তলৰ গোঁফকোচাও নোহোৱা কৰিহে নায়কসকলে কেমেৰাৰ সন্মুখত থিয় দিছিল। শত্ৰুঘ্ন সিনহা , জেকী শ্ৰুফ, অনিল কাপুৰ, নানা পাটেকৰ আদি মুষ্টিমেয় কেইজনমান নায়কেহে দাঢ়ি-গোঁফ সহ অভিনয় কৰিও জনপ্ৰিয়তা অর্জন কৰিছে । অৱশ্যে এতিয়া সময় সলনি হৈছে। বৰ্তমানৰ নায়কসকলে দাঢ়ি-গোঁফসহ অভিনয় কৰিও জনপ্ৰিয়তা অর্জন কৰিছে।

আজিকালি অধিকাংশ নায়কেই সমগ্র বছৰটো সমগ্ৰ বছৰটঅব্যীছাৰ তাগিদাত ছবিৰ চৰিত্ৰৰ ‘লুক’ৰ প্ৰতিয়ে গুৰুত্ব আৰোপ কৰে । চৰিত্ৰৰ প্ৰয়োজনত দাঢ়ি-গোঁফ, চুলি আদি বৃদ্ধি কৰে। বহুতে আকৌ ইচ্ছা থাকিলেও দাঢ়ি-গোঁফ ৰাখিব নোৱাৰে। কিন্তু তলাবন্ধৰ গৃহবন্দী দৰ্শাই তেওঁলোকৰ এই ইচ্ছা পূৰণত সহায় কৰিছে। কিয়নো তলাবন্ধৰ ম্যাদ যিমানে বৃদ্ধি পাইছে, সিমানেই বাঢ়িছে বলিউদৰ তাৰকসকলৰ দাঢ়ি-গোঁফ। ইয়াৰে বহুতে আকৌ নিজৰ নতুন চেহেৰাক অপচন্দ কৰা নাই। সেয়ে নিজ গৃহতে দাঢ়ি কটাৰ বিভিন্ন উপায় থাকিলেও এইসকল তাৰকাই নানা অজুহাত বিচাৰি উলিয়াই দাঢ়ি কটাৰ পৰা বিৰত আছে । তলাবন্ধৰ পৰৱৰ্তী সময়ত ‘পদ্মাৱত’ নামৰ ছবিখনৰ আলাউদ্দিন খিলিজিৰ দৰে দীঘল দাঢ়ি-চুলিৰে উদয় হ’ব বুলি মাৰ্চৰ অন্তিম ভাগত সামাজিক মাধ্যমত এখন ফটো প’ষ্ট কৰিছিল ৰণবীৰ সিঙে। সম্প্ৰতি মূৰত টুপী পৰিধান কৰি এমুখ দাঢ়িৰে এটা ভিডিঅ’ত দেখা দিছে জনপ্ৰিয় নায়কজনে।

নৱ প্ৰজন্মৰ হাৰ্ট থ্ৰ’ব কাৰ্তিক আৰিয়ানে সততে নিজৰ অব্যিন্যস্ত চুলিৰ বিন্যাসেৰেই অনুৰাগীৰ হৃদয় হৰি আহিছে। এইবাৰ সেই অব্যিন্যস্ত চুলিৰ সংগ হৈছে এগাল অব্যিন্যস্ত দাঢ়ি। এই অৱস্থাৰেই অৱশ্যে কাৰ্তিকে অনলাইনত ‘কোকি পুচেগা’ নামৰ অনুষ্ঠান সঞ্চালনা কৰি আছে। আনকি অতি শীঘ্ৰে দাঢ়ি কটাৰ কোনো পৰিকল্পনা নাই বুলিও তাৰকাজনে জনাইছে। কিছুদিনৰ পূৰ্বে নিজৰ দাঢ়িভৰ্তি চেহেৰাৰ এখন ফটো প’ষ্ট কৰি কেপচনত কাৰ্তিকে লিখিছে, ‘কেইছে শ্বেভ কৰ দু য়াৰ, ইয়ে ভি কম ছেক্সী নেহী ।’ ইপিনে, গালভর্তি দাঢ়িৰে স্ব ৰচিত কবিতা পাঠ কৰি শুনাইছে ব্যতিক্ৰমী চৰিত্ৰত অভিনয়ৰে জনপ্ৰিয়তা অৰ্জন কৰা অভিনেতা আয়ুষ্মান খুৰানাই । অৱশ্যে এই গালভর্তি দাঢ়িৰ চেহেৰা পোৱা বলিউড তাৰকাৰ তালিকাখনো কম নহয়। বৰুণ ধৱন, ভিকি কৌশল, টাইগাৰ শ্ৰুফৰ পৰা আৰম্ভ কৰি ছলমান খান, শ্বাহৰুখ খান আদিয়ে দাঢ়ি গোঁফৰ মায়াজাল বিস্তাৰ কৰিছে।

আকৌ ছল্ট এণ্ড পেপাৰ’ দাঢ়িৰেও সামাজিক মাধ্যমত আকৰ্ষণৰ সৃষ্টি কৰিছে হৃত্বিক ৰোছন, অজয় দেৱগন, অক্ষয় কুমাৰ আদিয়ে। বলিউদৰ ‘গ্ৰীক গড’ হৃত্বিকৰ অনুৰাগীসকলৰ মতে, এই সামান্য ছল্টৰ পৰশে তেঁওক আৰু নমকীন কৰি তুলিছে। আনহাতে, বগা কলা দাঢ়ি গোঁফেৰে দেশবাসীক সাৱধানে থকাৰ বাৰ্তা দিবলৈ মাজে মধ্যেই ইনষ্টাগ্ৰাম আৰু টুইটাৰত উপস্থিত হৈ আছে অক্ষয় কুমাৰ। ইপিনে, বলিউদৰ তাৰকাসকলৰ সমান্তৰালকৈ অনুৰাগীক চমক দিলে ক্ৰিকেট মহাতাৰকা মহেন্দ্ৰ সিং ধোনীয়ে। শেহতীয়াকৈ সামাজিক মাধ্যমত প্ৰাক্তন অধিনায়কজনৰ এখন ফটো প্ৰচাৰিত হৈছে। ফাটোখনত সম্পূৰ্ণ বগা দাঢ়ি-গোঁফেৰে ধোনীক এজন বৃদ্ধলোকৰ দৰে দেখা গৈছে।