বলীউডৰ অভিনেতা সুশান্ত সিং ৰাজপুতক লৈ সম্প্ৰতি দেশৰ লগতে বলীউডৰ ভিতৰচ’ৰাত বিভিন্ন বিতৰ্কৰ সূত্ৰপাত হৈছে ৷ এনে সময়তে সুশান্তৰ আত্মহত্যাৰ সন্দৰ্ভত মুম্বাই পুলিচে অতি ক্ষিপ্ৰতাৰে তদন্ত আৰম্ভ কৰিছে ৷ মুম্বাইৰ আৰক্ষীয়ে তিনিটা দলক লৈ সুশান্তৰ আত্মহত্যাৰ গোচৰ তদন্ত কৰিছে ৷ ইতিমধ্যে সুশান্তৰ গাৰ্লফ্ৰেণ্ড ৰিয়া চক্ৰৱৰ্তীক আৰক্ষীয়ে সোধপোছ কৰিলেও পুনৰ ৰিয়াক জেৰা কৰিব পাৰে আৰক্ষীয়ে । এক বিশেষ সূত্ৰৰ মতে সুশান্তৰ তিনিটা কোম্পানীৰ দুটাতে ডাইৰেক্টৰ আছিল ৰিয়া। এটা কম্পেনীৰ এডিশ্যনেল ডাইৰেক্টৰ আছিল ৰিয়াৰ ভ্ৰাতৃ শৌভিক চক্ৰৱৰ্তী ৷ বিগত সময়ত ৰিয়াই সুশান্তৰ লগত থকা আৰ্থিক লেনদেনৰ সন্দৰ্ভত সদৰী কৰা নাছিল ৷
আনহাতে মুম্বাইৰ আৰক্ষীয়ে গঠন কৰা তিনিটা দলৰ ভিতৰত এটা দলে বলীউডৰ “নেপ’টিজম” অৰ্থাৎ স্বজনপ্ৰীতিৰ ওপৰত তদন্ত কৰিব ৷ দ্বিতীয়টো দল সুশান্তৰ বন্ধু বান্ধৱী,পৰিয়াল সন্দৰ্ভত তদন্ত কৰাৰ বিপৰীতে আনটোৱে সুশান্ত ডিপ্ৰেছন হোৱাৰ কাৰণ সন্দৰ্ভত তদন্ত কৰিব ৷ ইপিনে বৃহস্পতিবাৰে সুশান্তৰ আত্মহত্যাৰ প্ৰসংগত গাৰ্লফ্ৰেণ্ড ৰিয়াক আৰক্ষীয়ে প্ৰায় ১১ ঘন্টা জেৰা কৰিছিল । লগতে অনাগত সময়ত সুশান্তৰ প্ৰাক্তন প্ৰেমিকা অংকিতা লোখণ্ডেকো জেৰা কৰিব পাৰে আৰক্ষীয়ে । অংকিতাই সুশান্তে আত্মহত্যা কৰাৰ পিছত অভিনেতাজনৰ ঘৰলৈ গৈছিল ।
কিন্তু সুশান্তৰ পৰিয়ালে ৰিয়াক সুশান্তৰ অন্তোষ্টিক্ৰিয়াত অংশ নল’বলৈ আহ্বান কৰিছিল ৷ সেয়েহে ৰিয়াই সুশান্তক চাবলৈ চিকিৎসালয়ত উপস্থিত হৈছিল । উল্লেখযোগ্য যে ৰিয়াৰ ভাষ্য অনুসৰি ২০২০ বৰ্ষৰ শেষৰ ফালে সুশান্ত আৰু অংকিতাই বিবাহ পাশত আৱদ্ধ হোৱাৰ কথা আছিল । বিগত বৰ্ষৰ “দিল বেছাৰা” ছবি মুক্তিৰ পিছতে ডিপ্ৰেছনৰ সন্মুখীন হয় সুশান্ত ৷ ইয়াৰ পিছতে ৰিয়াই সুশান্তক চিকিৎসকৰ ওচৰলৈ লৈ যোৱাৰ কথাও সদৰী কৰে ৷