কেন্দ্ৰীয় চৰকাৰৰ এক সিদ্ধান্ত

কেন্দ্ৰীয় চৰকাৰৰ এক বিশেষ পদক্ষেপ ৷ দেশৰ ১৫১ খন যাত্ৰীবাহী ৰেল ব্যক্তিগত প্ৰতিষ্ঠানক হস্তান্তৰৰ সিদ্ধান্ত গ্ৰহণ কৰিছে কেন্দ্ৰীয় চৰকাৰে ৷ যাত্ৰীক উৎকৃষ্ট মানদণ্ডৰ সেৱা প্ৰদান আৰু ভাৰতীয় ৰেলক আধুনিক ৰূপত গঢ় দিয়াৰ কাৰণে এই সিদ্ধান্ত গ্ৰহণ কৰা হৈছে বুলি জনাই কেন্দ্ৰীয় চৰকাৰে ৷ লগতে ভাৰতীয় ৰেলৱে’ত প্ৰাইভেট কোম্পানীসমূহে প্ৰায় ৩০ হাজাৰ কোটি টকাৰ বিনিয়োগ কৰিব বুলি আশা কৰিছে কেন্দ্ৰই । উল্লেখযোগ্য যে ২০১৯ ত লক্ষ্ণৌৰ পৰা দিল্লীলৈ লক্ষ্ণৌ দিল্লী তেজ এক্সপ্ৰেছ নামৰ প্ৰথমখন ব্যক্তিগতকৰণ ৰেল আৰম্ভ কৰিছিল ৷