চিৰাং জিলা সদৰৰ এশখন বিচনাৰ এখন অসামৰিক চিকিৎসালয় এজন চিকিৎসকেৰেই চলিছে । জিলা সদৰৰ অসামৰিক চিকিৎসালয় জেএচবি অসামৰিক চিকিৎসালয়ৰ ঘটনা এয়া । চিৰাং জিলাৰ অতিকে ভিতৰুৱা মোজাবাৰী গাঁওৰ সন্তান ডা° ইয়াকুব আলী আহমেদ এজন প্ৰসুতি বিশেষজ্ঞ । এশখন বিচনাৰ জিলা অসামৰিক চিকিৎসালয়ত তেওঁ অকলেই বিগত চাৰিটা বছৰ চম্ভালি আছে । দিনটোত গঢ়ে প্ৰায় ৫০/৭০ জন ৰোগী চোৱাৰ লগতে নিতৌ চাৰি/পাঁচ প্ৰসূতিৰ অস্ত্ৰপ্ৰচাৰ (চিজাৰিং) কৰিবলগীয়া হয় ।
শেহতীয়াকৈ ক’ভিডৰ এই সময়ছোৱাত জেএচবি অসামৰিক চিকিৎসালয়ৰ এজন চিকিৎসক ক’ভিড আক্ৰান্ত হোৱাত চিকিৎসালয় খনৰ আটাইকেইজন চিকিৎসক কোৱাৰেন্টাইনত যোৱাৰ পিচত এতিয়া দিনে নিশাই অকলে চম্ভালিব লগীয়া হৈছে জিলা অসামৰিক চিকিৎসালয় জেএচবি । চিকিৎসক জনৰ নিস্বাৰ্থভাৱে আগবঢ়োৱা এই মানৱ সেৱাৰ বাবে যোৱা ২০১৮ বৰ্ষৰ গণৰাজ্য দিৱসত জিলা প্ৰশাসনে পুৰষ্কৃত কৰিছিল।
চিকিৎসক ইয়াকুব আলী আহমেদে কয় যে মই অন্য জিলাৰ পৰা অহা নাই চিৰাঙৰে মানুহ । মই চিকিৎসক হোৱাৰ পুৰ্বৰে পৰাই ভাৱিছিলো চিকিৎসক হলে নিজৰ জিলাখনতেই সেৱা আগবঢ়োৱাৰ কথা । অসমৰ স্বাস্থ্য বিভাগে এই ক্ষেত্ৰত তেওঁক সুবিধা প্ৰদান কৰা বুলি কয় আৰু নিজৰ সাধ্য অনুসাৰে সেৱা আগবঢ়াই যোৱাৰ কথাও জনায় চিকিৎসক ইয়াকুব আলী আহমেদে।
চিৰাঙৰ জেএচবি অসামৰিক চিকিৎসালয় খনৰ অধ্যক্ষ ডা° মনোজ দাসে কয় যে ডা° ইয়াকুব আলী আহমেদে বৰ্তমান জেএচবি অসামৰিক চিকিৎসালয়খন চম্ভালি আছে । দীৰ্ঘদিনৰ পৰাই এইখন অসামৰিক চিকিৎসালয়ৰ প্ৰসুতি বিভাগ চম্ভালি আছে । গতিকে চৰকাৰে আৰু এজন প্ৰসূতি বিশেষজ্ঞ দিলে ভাল হয় বুলিও জনায়। কভিডৰ সময়তো দিনে নিশাই সেৱা আগবঢ়োৱা এইজন ডা° ইয়াকুব আলী আহমদেৰ শলাগ লয় ।
চিৰাং জিলাৰ স্বাস্থ্য বিভাগত এক প্ৰকাৰৰ জৰুৰী অৱস্থা চলিছে । জিলা অসামৰিক চিকিৎসালয় জেএচবিত এজন চিকিৎসালয়ত এজন চিকিৎসক কভিড আক্ৰান্ত হোৱাত চিকিৎসালয়ৰ সকলো বিষয়া কৰ্মচাৰী কোৱাৰেন্টাইনত যোৱাত নতুন ৰোগী নল’লেও চিকিৎসালয়খনত পুৰ্বৰে পৰা ভৰ্তি হৈ থকা ৰোগীৰ চোৱাচিতা অকলেই দিনে নিশাই চম্ভালি গৈছে এইজন চিকিৎসক ডা° ইয়াকুব আলী আহমেদে । এক দুৰন্ত সৈনিক হিচাবে কোনো জিৰণী নোহোৱাকৈ চলাই গৈছে নিজৰ মতেই নিজৰ কৰ্তব্য মানৱ সেৱা । চিকিৎসকজনে চিকিৎসালয়ৰ সীমাত প্ৰৱেশৰ লগে লগেই ৰোগী সকলেও যেন সম্বিত ঘুৰাই পায় । প্ৰসূতি বিভাগৰ লগতে অন্য বিভাগৰ ৰোগী সকলেও বিচাৰে ডা°ইয়াকুব আলী আহমেদকে । কাৰণ চিকিৎসকজনৰ ব্যৱহাৰত সন্তোষ্ট ৰোগী সকল । কেটবাজনো ৰোগীৰ আত্মীয়ই কয় যে চিকিৎসক ইয়াকুব আলী নহ’ লে যেন কাজলগাঁওৰ জে এচ বি অসামৰিক চিকিৎসালয় খনেই অন্ধকাৰ হৈ পৰিব।