বানাক্ৰান্তসকলৰ অৱস্থাৰ বুজ ল’বলৈ কাজিৰঙাত উপস্থিত মুখ্যমন্ত্ৰী সৰ্বানন্দ সোণোৱাল

কাজিৰঙাৰ ৰাইজিং ছান স্কুল, কঁহৰাত স্থাপন কৰা এটা বান সাহায্য শিবিৰ আজি পুৱা পৰিদৰ্শন কৰি বানাক্ৰান্তসকলৰ অৱস্থাৰ বুজ লয় মুখ্যমন্ত্ৰী সৰ্বানন্দ সোণোৱালে । এই প্ৰতিকূল সময়ত বন্যাৰ্তসকলৰ লগতে জীৱ-জন্তুৰ সুৰক্ষা নিশ্চিত কৰাৰ ক্ষেত্ৰত চৰকাৰে সকলোধৰণৰ প্ৰচেষ্টা গ্ৰহণ কৰা বুলি মুখ্যমন্ত্ৰীজনে দুহাৰে। ইয়াৰ উপৰি  কাজিৰঙা ৰাষ্ট্ৰীয় উদ্যানৰ সমীপৰ বৰজুৰি গাঁওস্থিত ‘বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰ’ত সতীৰ্থ মন্ত্ৰী অতুল বৰা, কেশৱ মহন্ত আৰু সাংসদ কামাখ্যা প্ৰসাদ তাছাৰ স’তে উপস্থিত হৈ সামগ্ৰিক বান পৰিস্থিতি আৰু জীৱ-জন্তুৰ শেহতীয়া অৱস্থাৰ বুজ লয়।