এক শ্বাসৰুদ্ধকৰ জীৱন পৰিস্থিতি । সাত ঘন্টাজোৰা জীৱন ৰক্ষাৰ যুজঁ ।এজন যুৱকৰ পেন্টৰ মাজত আহি সোমাল এডাল বিষধৰ সাপ । ঘটনাটো সংঘটিত হয় উত্তৰ প্ৰদেশৰ মিৰ্জাপুৰত । ঘটনা অনুসৰি লাভকেশ নামৰ যুৱক জনে এদল শ্ৰমিকৰ লগত বিদ্যুতৰ খুঁটা পুতিবলৈ গৈছিল । যুৱক জনে দিনৰ কামৰ অন্তত নৈশ আহাৰ গ্ৰহণ কৰি শুবলৈ গৈছিল । সেই সময়ত ঘটি গ’ল ঘটনাটো । পুৱা পেন্টৰ ভিতৰত সাপ সোমাই থকা বুলি গম নাপাই লাভকেশে পেন্টটো পিন্ধি লওঁতেই বিপদত পৰিল ।
সাপডাল নোলোৱা পৰ্যন্ত লাভকেশে সুদীৰ্ঘ সাত ঘণ্টাজুৰি ঘৰৰ খুঁটা এটাত ধৰি থিয় হৈ থাকিবলগীয়া হ’ল । সাপে কামোৰাৰ ভয়ত যুৱকজনে আতংকগ্ৰস্ত হৈ পৰিছিল । খবৰ দিয়ে সাপ ধৰা লোকলৈ খবৰ দিয়ে ।অৱশেষত সাপ ধৰা লোকজন আহি যুৱকজনৰ পেন্টটো কাটি বাহিৰ কৰে সাপডালক ।
সমগ্ৰ ঘটনাটোৱে মিৰ্জাপুৰত আলোড়নৰ সৃষ্টি কৰিছে।সাপডালে যুৱকজনৰ একো ক্ষতি নকৰাত স্বস্তিৰ নিশ্বাস পেলাইছে ঘটনাটো প্ৰত্যক্ষ কৰি থকা সকলে । ছ’চিয়েল মিডিয়াতো ভাইৰেল হৈছে এই ভিডিঅ’ । সাপ ধৰা লোকজনে যুৱকজনৰ পেন্ট কাটি থকাৰ মুহূৰ্তটো আছিল অতিকৈ ভয়ংকৰ ।
