ভাৰত চীন সীমান্তৰ সংঘৰ্ষৰ পিছত ভাৰত চৰকাৰে চীনৰ বহু এপ বন্ধ কৰাৰ সমান্তৰালকৈ দেশৰ পৰা বহিস্কাৰ কৰিছিল যুৱপ্ৰজন্মৰ মাজত জনপ্ৰিয় টিকটক । ইয়াৰ পিছতে সোমবাৰে মাইক্ৰচফ্টৰ চিইঅ’ সত্যা নেডলাই টিকটক ক্ৰয়ৰ সন্দৰ্ভত আমেৰিকাৰ ৰাষ্ট্ৰপতি ড’নাল্ড ট্ৰাম্পৰ লগত মত বিনিময় কৰে । লগতে ট্ৰাম্প আৰু নাডেলাই কেনেদৰে টিকটকক পুনৰুদ্ধাৰ কৰিব পাৰি এই সন্দৰ্ভত মত বিনিময় কৰে ৷
ইপিনে মাইক্ৰচ’ফ্টে দেওবাৰে এটা ব্ল’গ প’ষ্টৰ জৰিয়তে কানাডা, অষ্ট্ৰেলিয়া আৰু নিউজিলেণ্ডত টিকটকক ক্ৰয়ৰ সন্দৰ্ভত মতবিনিময় কৰিব। লগতে এই সন্দৰ্ভত ১৫ ছেপ্টেম্বৰৰ পিছত সিদ্ধান্ত লোৱাৰ আশা প্ৰকাশ কৰিব পাৰি ৷ ভাৰত চীনৰ সম্পৰ্কৰ মাজতে টিক টক বন্ধ কৰাৰ পিছতে আমেৰিকাৰ ৰাজনৈতিক নেতাসকল চিন্তিত হৈ পৰিছিল ৷ কাৰণ আমেৰিকাৰ প্ৰায় সংখ্যক লোকে টিকটক ডাউনলোড কৰিছিল ৷
সম্প্ৰতি আমেৰিকাই যদিহে টিকটক ক্ৰয় কৰে তেন্তে দেশখনৰ উদ্যোগিক ক্ষেত্ৰলৈ যথেষ্ট পৰিৱৰ্তন আহিব ৷ অৱশ্যে মাইক্ৰচফ্ট এতিয়াও ট্ৰাম্পৰ টিকটকৰ সিদ্ধান্তৰ বিষয়ে একো মন্তব্য দিয়া নাই । লগতে হুৱাইট হাউচেও এই বিষয়ে কোনো প্ৰতিক্ৰিয়া দিয়া নাই । টিকটকৰ মুখ্য বিষয়াই কয় যে বায়’টেন্স সকলো আইন কানুন মানি চলিবলৈ সাজু আছে ৷ উল্লেখযোগ্য যে টিকটকে চলিত বৰ্ষত প্ৰায় ১০০০ লোকক নিযুক্তি দিছে ৷
আনহাতে ভাৰত চীন সীমান্ত সংঘৰ্ষৰ পিছতে চীনৰ বহু এপ ভাৰতত নিষিদ্ধ কৰা হৈছিল ৷ শেহতীয়াকৈ চীনৰ কালাৰ টিভি নিষিদ্ধ কৰিছে ভাৰতে ৷ আনহাত বিগত কিছুদিন পূৰ্বে আমেৰিকাৰ ৰাষ্ট্ৰপতি ড’নাল্ড ট্ৰাম্পে দেশখনতো টিকটিক নিষিদ্ধ কৰাৰ কথা ঘোষণা কৰিছিল । অৱশ্যে সম্প্ৰতি ট্ৰাম্পে টিকটকৰ ক্ষেত্ৰত কি সিদ্ধান্ত ল’ব সেয়া হ’ব লক্ষ্যনীয় ৷
