কণ্ঠশিল্পী বাবু বৰুৱাৰ কংগ্ৰেছত যোগদানৰ প্ৰস্তুতি

সমাগত বিধানসভা নিৰ্বাচনৰ পূৰ্বে কণ্ঠশিল্পী বাবু বৰুৱাৰ কংগ্ৰেছত যোগদানৰ প্ৰস্তুতি । অহা ২৫ আগষ্টত কংগ্ৰেছত অনুষ্ঠানিক ভাবে যোগদান কৰিব কণ্ঠশিল্পীগৰাকীয়ে । কংগ্রেছ দলৰ নেতৃত্বই কণ্ঠশিল্পী গৰাকীক যোগাযোগ কৰাৰ পৰিপ্ৰেক্ষিততেই কন্ঠশিল্পীগৰাকীয়ে এই সিদ্ধান্ত গ্ৰহণ কৰিছে ।

আগন্তুক বিধানসভা নিৰ্বাচনত দলে যোগ্য বিবেচিত কৰি টিকট দিলে পশ্চিম গুৱাহাটী সমষ্টিৰ পৰা প্ৰতিদ্বন্দিতা আগবঢ়োৱাৰো ইংগিত দিয়ে কণ্ঠশিল্পীগৰাকীয়ে । উল্লেখ্য যে পশ্চিম গুৱাহাটী কন্ঠশিল্পী গৰাকীৰ গৃহ সমষ্টি।