যাক পূজা কৰা হয়, তাকেই জ্বলাই দিলেঃ প্ৰধানমন্ত্ৰী মোদী

কৃষি আইনক লৈ সমগ্ৰ দেশৰ লগতে পঞ্জাৱতো বহু কৃষকে প্ৰতিবাদ কৰিছে ৷কংগ্ৰেছৰ লগতে চৰকাৰ বিৰোধী অন্যান্য দলসমূহে এই আইনখনক কৃষক বিৰোধী বুলি মন্তব্য কৰিছে ৷সোমবাৰে পুৱা ৰাজধানী দিল্লীত পঞ্জাৱৰ কংগ্ৰেছৰ কৰ্মকৰ্তাসকলে এখন ট্ৰেক্টৰক জ্বলাই বিৰোধ প্ৰদৰ্শন কৰে ৷

শেহতীয়াকৈ এই সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কৃষকৰ অপমান বুলি অভিযোগ কৰিছে৷প্ৰধানমন্ত্ৰী মোদীয়ে বিৰোধীক কটাক্ষ কৰি কয় “সম্প্ৰতি কেন্দ্ৰীয় চৰকাৰে কৃষকক নিজৰ অধিকাৰ প্ৰদান কৰিছে ৷কিন্তু এই লোকসকলে নিবিচাৰে যে কৃষকে নিজৰ উৎপাদিত বস্তু বজাৰত বিক্ৰী কৰক ।যিসমূহ সামগ্ৰীক কৃষকে পূজা কৰে ৷এইলোকসকলে সেই সামগ্ৰীসমূহক অপমানিত কৰিছে ৷”

প্ৰধানমন্ত্ৰী নৰেন্দ্ৰ মোদীয়ে উত্তৰাখণ্ডৰ এক বিশেষ অনুষ্ঠান উদঘাটন কৰি কয় “দেশৰ কৃষকসকলৰ লগত জড়িত খণ্ডসমূহৰ সংশোধন কৰা হৈছে৷ এই সংশোধনৰ জৰিয়তে দেশৰ কৃষকসকল শক্তিশালী হ’ব। দেশৰ মহিলাসকল শক্তিশালী হ’ব ৷” এই অনুষ্ঠানত মোদীয়ে চাৰ্জিকেল ষ্টাইকৰ বিষয়েও উল্লেখ কৰে ৷

প্ৰধানমন্ত্ৰী মোদীয়ে কয় যে ভাৰতত যেতিয়া আন্তঃৰাষ্ট্ৰীয় যোগ দিৱস উদযাপন কৰা হৈছিল ৷তেতিয়া একাংশ ভাৰতৰ লোকে বিৰোধ কৰিছিল। যেতিয়া চৰ্দাৰ বল্লভ ভাই পেটেলৰ আটাইতকৈ ওখ প্ৰতিমা উদঘাটন হৈছিল তেতিয়াও একাংশ লোকে বিৰোধ কৰিছিল ৷কিন্তু আজিলৈকে এই লোকসকলৰ কোনো এজন নেতাৰ ষ্টেচু অফ ইউনিটী নিৰ্মাণ হোৱা নাই ৷

ৰাম মন্দিৰৰ ভূমি পূজন সন্দৰ্ভত মোদীয়ে কয় ” বিগত মাহত অযোধ্যাত ৰাম মন্দিৰৰ নিৰ্মাণৰ কাৰণে ভূমি পূজন হয়। উচ্চতম ন্যায়ালয়ত ৰাম মন্দিৰৰ বিৰোধ কৰা লোকেই ভূমি পূজনৰো বিৰোধ কৰে ৷গতিকে এইসমূহ বিষয় অপ্ৰাসঙ্গিক ৷”