আজি লালগণেশৰ উৰ্বা বিবাহ ভৱনত সাংসদ নৱ শৰণীয়াৰ উপস্থিতিত অনুষ্ঠিত হয় গণ সুৰক্ষা পাৰ্টিৰ নাগৰিক সভা ৷ সভাত শৰণীয়াই কয় বিটিএডিত বসবাস কৰা অজনজাতীয় লোক সকলে ভূমি, ভাষা, ৰাজনৈতিক, অৰ্থনৈতিক আৰু সাংস্কৃতিক অধিকাৰ সাব্যস্ত কৰিব পৰাকৈ বিটিআৰ চুক্তিত নাগৰিকৰ মৌলিক আৰু সাংবিধানিক অধিকাৰ খৰ্ব হৈছে । তাৰ পৰিপ্ৰেক্ষিতত আইনজ্ঞ তথা বিশেষজ্ঞসকলৰ পৰামৰ্শ ল’বলৈ আলোচনা কৰা হয় । লগতে বিটিআৰ চুক্তিৰ সন্দৰ্ভত জনসাধাৰণক সচেতন হ’বলৈ চেষ্টা কৰিব ৷
ইফালে বিটিচি নিৰ্বাচনৰ সময়ত বিটিআৰ চুক্তিৰ আলোচনাৰ সন্দৰ্ভত সাংসদ নৱ শৰণীয়াই কয় ক’ভিডৰ সংক্ৰমণ বৃদ্ধি পোৱাৰ কাৰণে পূৰ্বতে আলোচনা ন’হল । কিন্তু এতিয়া ক’ভিডৰ সময়তে তেওঁলোকে আলোচনাৰ দিশলৈ আগবাঢ়িছে । আনহাতে বিটিআৰ চুক্তিখন ৰাজনৈতিক কেন্দ্ৰবিন্দুত বুলিও মন্তব্য কৰে সাংসদ নৱ শৰণীয়াই ।
শৰনীয়াৰ মন্তব্য “আমি প্ৰকৃততে বিটিআৰ বিকল্প হিচাপে কি বিচাৰো সেয়া প্ৰয়োজনীয় হৈ পৰিছে। বিটিআৰৰ ভূমি অধিকাৰ,ৰাজনৈতিক অধিকাৰ সন্দৰ্ভত কেন্দ্ৰীয় চৰকাৰৰ লগত আলোচনা হ’ব ৷” লগতে ৰাজ্যপালৰ শাসনক অবৈধ বুলি মন্তব্য কৰে সাংসদ নৱ শৰণীয়াই। লগতে শৰণীয়াই কয় এই বিষয়ক লৈ আদালতৰ কাষ চপাৰ আলোচনা চলি আছে।
