“বজাৰত লাগিছে জুই অাৰু মন্ত্ৰী ফণীভূষণ আছে শুই “এনে এক শ্ল’গান আওঁৰাই অাজি পাঠশালাত ছাত্ৰ সন্থাই মন্ত্ৰী ফণীভূষন চৌধুৰীৰ গাড়ী আগুৰি তীব্ৰ প্ৰতিবাদ সাব্যস্ত কৰে ৷ পাঠশালাৰ আজাদ ভবন প্ৰাঙ্গণত অাজি অনুষ্ঠিত অগপৰ মহিলা পৰিষদৰ সভাত অংশগ্ৰহণ কৰিবলৈ আহি অাজি এনেদৰে আছুৰ প্ৰতিবাদৰ সন্মুখীন হয় ফণীভূষণ চৌধুৰী৷
প্ৰায় ১৫ মিনিট সময় আছুৰ সদস্যসকলে আছুৰ পতাকা দেখুৱাই মন্ত্ৰী গৰাকীক বাট আগুচি আৱদ্ধ কৰি ৰাখে৷তেনে সময়তে অগপ কৰ্মী সকলেও দৌৰি আহি অগপ জিন্দাবাদ ধ্বনীৰে পৰিবেশ উত্তাল কৰি তোলে। লগতে আছুৰ সদস্য সকলে কা আমি নামানো প্ৰতিবাদী শ্ল’গান দিয়ে ৷পাঠশালা আঞ্চলিক ছাত্ৰ সন্থাৰ সভাপতি ধীমান শৰ্মা অাৰু সাধাৰণ সম্পাদক বিশ্বজিৎ গাংগুলীৰ নেতৃত্বত অাজি এই প্ৰতিবাদী কাৰ্যসূচী ৰূপায়ণ কৰা হয়৷
এই প্ৰতিবাদী কাৰ্যসূচীত বজালী মহকুমা ছাত্ৰ সন্থাৰ উপদেষ্টা অৰূপজ্যোতি দাস , সাধাৰণ সম্পাদক হিমাংশু শৰ্মা , পাঠশালা আঞ্চলিক ছাত্ৰ সন্থাৰ উপ- সভাপতি চিন্ময় লহকৰ , ৰূপজ্যোতি কলিতা , অঞ্জনজ্যোতি নাথ , সহকাৰী সাধাৰণ সম্পাদক লাকী মেধি , মনদ্বীপ পাটগিৰি , দ্বীপ গাংগুলী , দ্বীপজ্যোতি পাটগিৰি , ক্ৰীড়া সম্পাদক পিংকু গাংগুলী , পাটাছাৰকুছি আঞ্চলিক ছাত্ৰ সন্থাৰ সভাপতি হানান আলী , সাধাৰণ সম্পাদক ধ্ৰুৱজ্যোতি শৰ্মা , দক্ষিণ বজালী আঞ্চলিক ছাত্ৰ সন্থাৰ উপ সভাপতি নিতুল মালাকৰ , পাঠশালা আঞ্চলিক ছাত্ৰ সন্থাৰ সদস্য মৃন্ময় পৰাশৰ , টিকু দাস , মহম্মদ সমীৰ উল্লা , জোনদ্বীপ ৰয় আদিকে ধৰি প্ৰায় শতাধিক কৰ্মী উপস্থিত থাকে ।
