আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু জ’ বাইডেনৰ মাজত ৰাষ্ট্ৰপতি নিৰ্বাচনৰ ভোট গগণা অব্যাহত আছে।ইয়াৰ মাজত ড’নাল্ড ট্ৰাম্পে দাবী কৰে যে ” আমি ইতিমধ্যে জয়ী হৈছো ৷
হোৱাইট হাউচত আমেৰিকাবাসীক সম্বোধন কৰি ট্ৰাম্পে কয় যে নিৰ্বাচনীৰ ফলাফল অভূতপূৰ্বৰূপে প্ৰতিফলিত হৈছে। আমি জয়ী হোৱাৰ পথত। ফ্ল’ৰিডাত আমি ইতিমধ্যে জয় লাভ কৰিছো। জয়ৰ উল্লাহতে বহু লোক বাহিৰলৈ ওলাই আহিছে ৷লগতে ট্ৰাম্পে কয় আমি জয়ী হ’ম আৰু উচ্চতম ন্যায়ালয়লৈও যাম ৷”
ড’নাল্ড ট্ৰাম্পে লগতে কয়”আমি সম্প্ৰতি ভোটদান প্ৰক্ৰিয়া বন্ধ কৰি দিয়াটো বিচাৰিছো। সেয়েহে আমি উচ্চতম ন্যায়ালয়লৈ যাম ৷”ট্ৰাম্পে লগতে কয় “ভোট গণনা অব্যাহত ৰাখি একাংশই বিসংগতি কৰিব পাৰি ৷” আৰু ইয়াৰ লগতে ট্ৰাম্পে সমৰ্থকসকলক সাৱধান হৈ থাকিবলৈ আহ্বান কৰে ।
আমেৰিকাৰ ৰাষ্ট্ৰপতি ট্ৰাম্পে কয় ” এইয়া আমেৰিকাৰ জনতাক এক প্ৰকাৰৰ প্ৰতাৰণা কৰা হৈছে ।আমি নিৰ্বাচনত জয়ী হ’লো ৷এতিয়া আমাৰ লক্ষ্য দেশৰ অখণ্ডতাক সুনিশ্চিত কৰা। গতিকে আমি এতিয়া আমেৰিকাৰ উচ্চতম ন্যায়ালয়লৈ যাত্ৰা কৰিম। আমি সকলোৱে ভোটদান স্থগিত হোৱাটো বিচাৰো।
