মাৰ্কিন যুক্তৰাষ্ট্ৰৰ ৰাষ্ট্ৰপতি নির্বাচনত পেনছিলভেনিয়াত তীব্ৰ প্ৰতিদ্বন্দীতাৰ যুঁজত জ’ বাইডেনে জয় লাভ কৰাৰ পিছত পৰিয়ালে সমূহীয়া ভাৱে উদযাপন কৰাৰ মুহূৰ্ত দেখিবলৈ পোৱা গ’ল । আনন্দ আৰু উৎফুল্লিত হৈ কৰা পাৰিবাৰিক উদযাপনৰ মুহূৰ্ত টুইটাৰ যোগে শ্বেয়াৰ কৰিলে ৰাষ্ট্ৰপতিগৰাকীৰ নাতি নাওমি বাইডেনে। ফটোখন শ্বেয়াৰ কৰি সাধাৰণভাৱে লিখে “১১.০৭.২০২০” ।
11.07.20 pic.twitter.com/HHVJMmIoAW
— Naomi Biden (@NaomiBiden) November 7, 2020
২৭০ টা ইলেক্ট্ৰৰেল ভোটসহ পেনছিলভেনিয়াত জয় লাভ কৰাৰ পিছত জ’ বাইডেনে আমেৰিকাৰ ৰাষ্ট্ৰপতি পদৰ বাবে নিৰ্বাচিত হয় । জ’ বাইডেনৰ পুত্ৰ হাণ্টাৰ আৰু প্ৰথম পত্নী কেথলিনৰ কন্যা ২৭ বছৰীয়া নাওমিয়ে শ্বেয়াৰ কৰা ফটো খনত জ’ বাইডেনক এক সন্তুষ্টিসূচক এক হাঁহি মাৰি থকা পৰিলক্ষিত হৈছে ।
আমেৰিকান সংবাদ মাধ্যমৰ মতে, নাওমিয়ে হৈছে বাইডেনৰ একমাত্ৰ নাতিনীয়েক যাৰ সাৰ্বজনিক ইনষ্টাগ্ৰাম একাউন্ট আছে। উল্লেখ্য যে, ৭৭ বৰ্ষীয় বাইডেন আমেৰিকাৰ ইতিহাসত আটাইতকৈ বয়সস্থ ৰাষ্ট্ৰপতি হিচাপে নিৰ্বাচিত হৈছে।
