আমেৰিকাত একেদিনাই সংক্ৰমণৰ হাৰ বৃদ্ধি পালে প্ৰায় দৈনিক সংক্ৰমণৰ দুগুণ । বিগত ২৪ ঘণ্টাত দুই লক্ষ্যৰো অধিক লোক নতুনকৈ কৰ’নাত আক্ৰান্ত হৈছে । জন্স হপকিন্স বিশ্ববিদ্যালয়ৰ ৰিপ’ৰ্ট অনুসৰি, শনিবাৰে নতুনকৈ দুই লাখ পাঁচ হেজাৰ ২৪ জনকৈ লোক ক’ৰোনাত সংক্ৰমিত হৈছে । বৰ্তমান মুঠ ক’ৰোনা আক্ৰান্তৰ সংখ্যা ১,৩০,৮৮,২৮২ জন । আমেৰিকাত সংক্ৰমণৰ হাৰ বৃদ্ধিৰ লগে লগে সমগ্ৰ বিশ্বতে কৰ’না ৰুগীৰো হাৰ বৃদ্ধি পাইছে । বিশ্বত মুঠ আক্ৰান্তৰ সংখ্যা ৬,১৫,৯,২৯৫ জন ।দিন পূৰ্বে ক’ভিড ট্ৰেকাৰ প্ৰ’জেক্টৰ সমীক্ষাত পোৱা যায় যে, আমেৰিকাৰ হাৰ্টলেণ্ড ৰাজ্যসমূহ যেনে – চাউথ ডাকোটা, নেব্রাস্কা, কানচাছ, উইছকনছিনসহ বহুকেইখন ৰাজ্যত পৰিস্থিতি ক্ৰমে ভয়াবহ হৈ পৰিছে ।
বিশেষজ্ঞই কয়, ইমান দিনে সংক্ৰমণ কেৱল ডাঙৰ চহৰসমূহতে সীমাবদ্ধ আছিল । কিন্তু এতিয়া সংক্ৰমণ ক্ৰমে গ্ৰাম্য অঞ্চলৰ লগতে প্ৰান্তৱৰ্তী অঞ্চলসমূহতো বৃদ্ধি পাইছে । ফলত আক্ৰান্তৰ হাৰো বৃদ্ধি পাইছে । দ্ৰুত হাৰত সংক্ৰমণ বৃদ্ধিৰ পোৱাৰ ফলত চিকিৎসালয়বোৰত বিছনাৰ নাটনিৰো সৃষ্টি হৈছে । কেৱল সেয়ে নহয় চিকিৎসক, নাৰ্ছ আৰু চিকিৎসা পৰিসেৱাৰ লগত জড়িত লোকসকল কৰ’নাত আক্ৰান্ত হোৱাৰ ফলত পৰিসেৱা আগবঢ়োৱাত বাধাৰ সৃষ্টি হৈছে । সৰু চহৰবোৰে সূচনীয় পৰিস্থিতিৰ সন্মুখীন হ’বলগীয়া হৈছে । বিশেষজ্ঞসকলে আগতেই সতৰ্কবাণী দিছিলে নৱেম্বৰৰ পৰা ফেব্ৰুৱাৰী লৈকে অধিক সতৰ্কতা অৱলম্বন কৰিবলৈ । কিন্তু দেখা গৈছে যে মধ্য-পশ্চিমীয়া ৰাজ্যসমূহত ক’ভিডক লৈ অনীহাৰ সৃষ্টি হৈছে । বিশেষজ্ঞসকলে দাবী কৰে যে, বাৰে বাৰে সকীয়াই দিয়াৰ পাছতো কোনো লোকেই মাস্কৰ ব্যৱহাৰ কৰা নাই । সামাজিক দূৰত্ব পালন নকৰে আমেৰিকাত সংক্ৰমণ বৃদ্ধিৰ এইবোৰেই অন্যতম কাৰণ ।
‘থ্যেংকছগিভিং দ্যে’ৰ পাছত ‘বৰদিন’ আহি আছে এনে পৰিস্থিতিত সংক্ৰমণৰ হাৰ অধিক বৃদ্ধি পোৱাৰ আশংকা প্ৰকাশ কৰিছে । দ্য চেন্টাৰ ফৰ ডিজিচ কন্ট্র’ল এণ্ড প্রিভেনচন (চিডিচি)য়ে এই আশংকাৰ প্ৰতি লক্ষ্য ৰাখি জনসাধাৰণক ঘৰতেই উৎসৱ পালন কৰিবলৈ সতৰ্কবাণী দিছে । চিডিচিৰ এজন অধিকাৰীয়ে জনায় যে, যদি জনসাধাৰণে সতৰ্কতা অৱলম্বন নকৰে তেন্তে এই উৎসৱেই হ’ব ‘দ্য মাদাৰ অৱ অল চুপাৰ স্প্ৰেদাৰ ইভেণ্টচ’ । সংক্ৰমণ বৃদ্ধি পোৱাৰ লগতে মৃত্যুৰ সংখ্যাও ক্ৰমে বৃদ্ধি পাইছে । জন্স হপকিন্স বিশ্ববিদ্যালয়ৰ ৰিপ’ৰ্ট অনুসৰি, ইতিমধ্যে আমেৰিকাত মৃত্যু হৈছে ২,৬৪,৮৫৮ জনকৈ লোকৰ । সমগ্ৰ বিশ্বত মৃত্যুৰ হাৰ হৈছে ১৪,৪২,৬৬৪ জন । মৃতকৰ সংখ্যা ৰোধ কৰিবলৈ যদি কঠোৰ ব্যৱস্থা গ্ৰহণ নকৰে তেন্তে এই হাৰ তিনি লাখো অতিক্ৰম কৰিব পাৰে বুলিও জনায় চিডিচিয়ে ।
