উচ্চতম ন্যায়ালয়ে কৈছিল যে, দিল্লীৰ সীমান্তত কৃষকসকলৰ প্ৰতিবাদ অতি শীঘ্ৰেই ‘জাতীয় বিষয়’ হৈ পৰিব । কালিয়ে কৃষকসকলৰ প্ৰতিবাদে নতুন ৰূপ ল’লে । দিল্লী-হাৰিয়ানাৰ ছিংঘু সীমান্তত কালি সন্ধিয়া সন্ত ৰাম সিঙে নিজকে গাড়িত গুলিয়াই আত্মহত্যা কৰে ।
সন্ধিয়া প্ৰায় চাৰে চাৰি বজাত তেওঁক গুলিবদ্ধ অৱস্থাত পানীপটৰ চিকিৎসালয়লৈ লৈ যোৱা হয় যদিও চিকিৎসকে মৃত ঘোষণা কৰে । দিল্লী শিখ গুৰুদ্বাৰা প্ৰবন্ধক কমিটিৰ অধ্যক্ষ মনজিন্দৰ সিঙে কয় যে, কৃষকসকলৰ দুৰ্দশা সহ্য কৰিব নোৱাৰি সন্ত ৰাম সিঙে আত্মহত্যা কৰিছে ।
আত্মঘাতী হোৱাৰ পূৰ্বে তেওঁ এখন কাগজত লিখিছিল, ‘মই কৃষকসকলৰ অধিকাৰ নিশ্চিত কৰাৰ যুঁজৰ বেদনা অনুভৱ কৰিব পাৰিছো । কৃষকসকলৰ ওপৰত কৰা অত্যাচাৰৰ এয়াই মোৰ প্ৰতিবাদ । অন্যায় কৰাও পাপ, অন্যায় সহ্য কৰাও পাপ । কৃষকসকলক সহযোগ কৰিবলৈ কিছু সংখ্যক লোকে তেওঁলোকৰ পুৰষ্কাৰ চৰকাৰক উভতাই দিছে । মই নিজৰ জীৱন ত্যাগ কৰিছো।’ এই ঘটনাই কৃষকসকলৰ আন্দোলন অধিক তীব্ৰতৰ কৰি তুলিছে ।
ৰাহুল গান্ধীয়ে প্ৰয়াত সন্তৰ প্ৰতি শ্ৰদ্ধা জনাই টুইটাৰত লিখে, ‘বহু কৃষকে জীৱন ত্যাগ কৰিছে । মোদী চৰকাৰৰ ক্ৰুৰতাই সকলো সীমা অতিক্ৰম কৰিছে । জীদ এৰক আৰু অনতি পলমে কৃষি আইন বাতিল কৰক ।’
करनाल के संत बाबा राम सिंह जी ने कुंडली बॉर्डर पर किसानों की दुर्दशा देखकर आत्महत्या कर ली। इस दुख की घड़ी में मेरी संवेदनाएँ और श्रद्धांजलि।
कई किसान अपने जीवन की आहुति दे चुके हैं। मोदी सरकार की क्रूरता हर हद पार कर चुकी है।
ज़िद छोड़ो और तुरंत कृषि विरोधी क़ानून वापस लो! pic.twitter.com/rolS2DWNr1
— Rahul Gandhi (@RahulGandhi) December 16, 2020
পঞ্জাব-হাৰিয়ানাৰ ৰাজনৈতিক নেতাসকলে মত প্ৰকাশ কৰে যে, হাৰিয়ানাৰ বাহিৰেও সন্ত ৰাম সিঙৰ বহু ভক্ত আছে । এতিয়া কৃষকসকলৰ আন্দোলন অধিক তীব্ৰতৰ হ’ব । এই পৰিস্থিতিত অৱশ্যে চিৰছা আৰু কৃষক নেতাসকলে সকলোকে শান্ত হৈ থাকিবলৈ কৈছে । আজি কৃষি আইন সংশোধনৰ প্ৰস্তাৱ খাৰিজ কৰিবলৈ লিখিতভাৱে চৰকাৰক জনায় কৃষকসকলে ।