অহা ফেব্ৰুৱাৰী পৰ্যন্ত চি বি এছ চিৰ পৰীক্ষা দশম আৰু দ্বাদশ শ্ৰেণীৰ পৰীক্ষা অনুষ্ঠিত কৰা নহয় বুলি আজি স্পষ্ট কৰি দিয়ে কেন্দ্ৰীয় শিক্ষামন্ত্ৰী ৰমেশ প’খৰিয়ালে । শিক্ষকৰ স’তে এক বাৰ্তালাপ অনুষ্ঠানত তেওঁ কয় যে ছাত্ৰ-ছাত্ৰী আৰু শিক্ষকৰ পৰা চি বি এছ ইৰ দশম আৰু দ্বাদশ শ্ৰেণীৰ পৰীক্ষা পিছুৱাবলৈ লাভ কৰা অনুৰোধৰ বাবে এই সিদ্ধান্ত গ্ৰহণ কৰা হৈছে ।
অৱশ্যে কেতিয়া এই পৰীক্ষা অনুষ্ঠিত কৰা হ’ব সেই কথা তেওঁ স্পষ্ট কৰি দিয়া নাই । তেওঁ কয় যে গ্ৰামাঞ্চলত বহু বিদ্যালয় থকা হেতুকে এই পৰীক্ষা অনলাইন যোগে সম্পন্ন কৰাটো সম্ভৱ নহ’ব । তদুপৰি পাথ্যক্ৰমৰ পৰিসৰ হ্ৰাস কৰা হ’ব বুলিও মন্ত্ৰীজনে সদৰী কৰে ।উল্লেখ্য যে মুঠ পাঠ্যক্ৰমৰ ৩০ শতাংশ ইতিমধ্যে পৰিহাৰ কৰা হৈছে । এই সন্দৰ্ভত কিছুমান ৰাজ্যই ইতিমধ্যে প্ৰয়োজনীয় ঘোষণা কৰিছে যদিও আন কিছুমান ৰাজ্যই অনতি পলমে ঘোষণা কৰিব ।
