প্ৰয়াত পপ ষ্টাৰ মাইকেল জেকচনৰ ৰাজ প্ৰসাদ সদৃশ গৃহ দুই কোটি ২০ লাখ ডলাৰৰ পৰিৱৰ্তে ক্ৰয় কৰিলে ধন কুবেৰ ৰণ বাৰ্কলে । বাৰ্কলে জেকচনৰ সহযোগী আছিল । বৰ্তমান তেওঁ বিনিয়োগ সংস্থা ‘ইউকাইপা কোম্পানীজ’ৰ সহপ্ৰতিস্থাতা ।
চান্তা বাৰবাৰাৰ পৰা ৬৪ কিলোমিটাৰ দূৰত্বত এই সম্পত্তি ২০১৫ ত প্ৰথমে নিলামৰ বাবে ৰখা হৈছিল । তেতিয়া ইয়াৰ মূল্য আছিল ১০ কোটি ডলাৰ । ইয়াৰ পাছত প্ৰতিবছৰে ইয়াৰ মূল্য কমি গৈ থাকিল । যোৱা বছৰ ইয়াৰ মূল্য আছিল তিনি কোটি ১০ লাখ ডলাৰ । জেকচনৰ এই বিলাসী ৰেঞ্চৰ সহমালিক আছিল কল’নি কেপিটেল ।
বৃহৎ ঋণত জৰ্জৰিত হৈ শিল্পীগৰাকীয়ে ২০০৮ত এই প্ৰসাদ বিক্ৰী কৰে ইনভেষ্টমেন্ট ট্ৰাষ্টক । ইয়াৰ পাছত ই জইণ্ট ভেনচাৰত পৰিণত হয় ।
অভুতপূৰ্ব সম্পদেৰে সজোৱা এই নেডাৰলেণ্ডত আছিল ফেৰিছ হুইল আৰু মেৰি গ’ ৰাউণ্ডত সজোৱাৰ দৰে এখন বিনোদন উদ্যান । উদ্যানখনত ওৰাংওটাং আৰু হাতীও আছিল । ২৭০০ একৰ জুৰি বিস্তৃত হৈ থকা এই দিকশূণ্যপুৰত মুঠ ২২ খন গৃহ আছিল । ইয়াৰে এখন আছিল ১২ হেজাৰ বৰ্গফুটৰ প্ৰসাদ । ইয়াৰ স্থাপত্যশৈলী নৰ্মাণ্ডি ঘৰানাৰ পৰা গ্ৰহণ কৰা হৈছিল । অতিথিশালা, চুইমিংপুল, বাস্কেটবল ক’ৰ্ট আৰু টেনিচক’ৰ্টসহ ৫০খন আসনযুক্ত চলচ্চিত্ৰ গৃহও আছিল ।
এই বিলাসবহুল ষ্টেটখনৰ বিশেষত্ব আছিল তিনিখন ৰেলব’ৰ্ড । তিনি ফুট দৈৰ্ঘ্যৰ নেৰ’গেজ ৰেলব’ৰ্ডৰ নাম আছিল ‘নেভাৰলেণ্ড ভেলী ৰেলৰ’ড’ । দুই কোঠালিযুক্ত ৰেলখনক টানি লৈ যায় ষ্টিম ল’ক’ম’টিভ ইঞ্জিনে । ইঞ্জিনটোৰ নাম নিজ মাতৃৰ ‘কেথৰিন’ নামেৰে নামাকৰণ কৰিছিল জেকছনে ।
২০০৩ত জেকছনৰ বিৰুদ্ধে নিজ গৃহত শিশুক যৌন নিৰ্যাটনৰ অভিযোগ উত্থাপন হৈছিল । কিন্তু পৰৱৰ্তী সময়ত সকলোবোৰ অভিযোগ ভুৱা প্ৰমাণিত হয়। ইয়াৰ পাছত তেওঁ ‘নেভাৰলেণ্ড’ ত্যাগ কৰে ।
২০০৯ ত জেকছনৰ ৰহস্যজনক মৃত্যুৰ পাছত এই সম্পত্তিৰ নাম হয় ‘ছাইকামোৰ ভেলী ৰেঞ্চ’ । ১৯৮৮ত জেকছনে এই ষ্টেট ক্ৰয় কৰিছিল । সূত্ৰ অনুসৰি, সেই সময়ত এই ষ্টেটৰ মূল্য এক কোটি ৯৫ লাখ ডলাৰ আছিল । তেওঁ তিনি কোটি ডলাৰ ব্যয় কৰি এই ষ্টেট ক্ৰয় কৰিছিল ।
