যোৱা দেওবাৰে ধুবুৰী জিলাৰ গৌৰীপুৰ অন্তৰ্গত গেৰামাৰী ১ম খণ্ড গাঁৱৰ সংঘটিত হোৱা হত্যাকাণ্ডৰ ১৪ গৰাকী মূল অভিযুক্তক ধুবুৰী আৰক্ষীয়ে গ্ৰেপ্তাৰ কৰি হাজোৰ জেললৈ প্ৰেৰণ কৰে ।
উল্লেখ্য যে গৌৰীপুৰ থানাত ৰুজু হোৱা ১৫৮৭/২০ নম্বৰৰ গোচৰৰ ভিত্তিত আৰক্ষীয়ে হত্যাকাণ্ড সংঘটিত হোৱা ২৪ ঘন্টাৰ ভিতৰতে ধুবুৰী আৰক্ষী অধীক্ষক আনন্দ মিশ্ৰৰ নেতৃত্বত বিভিন্ন ঠাইত অভিযান চলাই । অভিযানত হত্যাকাণ্ডৰ লগত জড়িত ১৪ জন লোকক গ্ৰেপ্তাৰ কৰিবলৈ সক্ষম হয় ।
জানিব পৰা মতে, এডোখৰ মাটিক লৈ দুই ফৈদৰ মাজত দীৰ্ঘদিনে ভূমিকেন্দ্ৰিক বিবাদ চলি আছিল । অৱশেষত ভূমিকেন্দ্ৰিক বিবাদে চৰম পৰ্যায়ৰ ৰূপ লয় । এটা ফৈদে ডিঙি কাটি হত্যা কৰিলে জেছমিনা খাতুনৰ লগতে মমতাজ আলীক ।
মাটি সম্পত্তিক লৈ এনে ধৰণৰ ঘটনা নকৰিবলৈ আহ্বান ধুবুৰী আৰক্ষী অধীক্ষক আনন্দ মিশ্ৰৰ । সম্প্ৰতি ধুবুৰী জিলা আৰক্ষীয়ে ঘটনাৰ তদন্ত অব্যাহত ৰাখিছে ।
