বাগসাৰ সমীপৱৰ্তী বৰপেটাৰ কাটাঝাৰত গণৰাজ্য দিৱসৰ স’তে সংগতি ৰাখি কাটাঝাৰ পথাৰ আঞ্চলিক ক্ৰীড়া সংঘই তিনিদিনীয়া কাৰ্যসূচীৰে বাৰ্ষিক অধিৱেশন ও সাংস্কৃতিক সন্ধিয়া পালন কৰে ৷ বিভিন্ন কাৰ্যসূচীৰ মাজেৰে অনুষ্ঠিত অনুষ্ঠানটোৰ কালি নিশা মুকলি কৰা হয় আৰু বঁটা বিতৰণী সভা অনুষ্ঠিত হৈ যায় ৷
সভাত চিপিআইএম দলৰ ৰাজ্যিক নেতা মনোৰঞ্জন তালুকদাৰ, আদিবাসী ছাত্ৰ সন্থাৰ কেন্দ্ৰীয় প্ৰচাৰ সম্পাদক মানছুখ ছানখাড়িকা, সাংবাদিক লৱ কুমাৰ দাসৰ লগতে বহু বিশিষ্ট ব্যক্তি উপস্থিত থাকে ৷ বিশিষ্ট ব্যক্তিসকলক ফুলাম গামোছা আৰু গছ-পুলিৰে সম্বৰ্ধনা জনায় ক্লাৱৰ উদ্যোক্তাসকলে ৷
ক্লাৱটোৱে বিভিন্ন সময়ত গ্ৰহণ কৰা জনকল্যাণমূলক নীতিক প্ৰশংসা কৰে বিশিষ্ট ব্যক্তি তথা ৰাইজে ৷
মুকলি সভাৰ অন্তত নিশা সাংস্কৃতিক সন্ধিয়াৰ আয়োজন কৰে উদ্যোক্তাসকলে ৷ উল্লেখ্য যে আজিও বিভিন্ন সাংস্কৃতিক কাৰ্যক্ৰমণিকাৰ অন্তত অনুষ্ঠানটোৰ সামৰণি পৰে ৷
