অসম বিধানসভা নিৰ্বাচনৰ দিন ঘোষণা হোৱাৰ লগে লগে ৰাজনৈতিক দলসমূহৰ তৎপৰতা বৃদ্ধি হোৱা পৰিলক্ষিত হৈছে । এই ক্ষেত্ৰত পিছপৰি থকা নাই হাগ্ৰামা মহিলাৰী নেত্ৰীত্বাধীন বিপিএফ দলো ।
আজি বিপিএফ দলৰ চিথিলাত এক দলীয় সভা অনুষ্ঠিত কৰি ফকিৰাগ্ৰাম ব্লক বিপিএফ সমিতিখনৰ সাল-সলনি ঘটাই এজামূল হ’কক সভাপতি হিচাপে নিৰ্বাচিত কৰাৰ লগতে মহিলা গোটৰ সভানেত্ৰী হিচাপে পূৰ্নীমা নাথ আৰু যুৱ গোটৰ সভাপতি হিচাপে অকন ৰায়ক নিৰ্বাচিত কৰা হয় ।
লগতে ছাত্ৰ সংগঠন বিএছইউৰ সভাপতি হিচাপে আৰমান আলী আৰু সাধাৰণ সম্পাদক হিচাপে ছাদ্দাম হুচেইনক নিৰ্বাচিত কৰি এখন শক্তিশালী ব্লক সমিতি গঠন কৰা হয় ।
ইয়াৰ উপৰিও দলীয় সমৰ্থকসকলৰ লগত এক বিনিময় অনুষ্ঠানো অনুষ্ঠিত কৰে । উক্ত অনুষ্ঠানত মুখ্য অতিথি হিচাপে উপস্থিত থাকে বিপিএফৰ সভাপতি তথা বিটিছিৰ প্ৰাক্তন মুখ্য কাৰ্যবাহী হাগ্ৰামা মহিলাৰী । লগতে উক্ত মত বিনিময় অনুষ্ঠানত উপস্থিত থাকে বিপিএফৰ উপসভাপতি বক্তাৰ আলী , বিপিএফৰ কোকৰাঝাৰ জিলা সভাপতি দেৰসাসাত বসুমাতাৰী , বিধায়ক ৰবিৰাম নাৰ্জাৰীৰ উপৰিও সংখ্যালঘু কোষৰ কোকৰাঝাৰ জিলা সভাপতি ফুলবৰ আলীৰ লগতে ফকিৰাগ্ৰাম ব্লকৰ প্ৰাক্তন সভাপতি দিলদাৰ আলীও উপস্থিত থাকে ।
ইপিনে যুৱ নেতা এজামূল হ’কক সভাপতিৰ দায়িত্ব প্ৰদান কৰাৰ লগে লগে দলীয় কৰ্মীসকলৰ মাজত এক উৎসৱ মুখৰ পৰিৱেশৰ সৃষ্টি হৈছে ।
