ম্যানমাৰত সেনা বিৰোধী প্ৰতিবাদ অব্যাহত থকাকালীন কালি নিশা ইয়াংগনৰ ছানছাউং জিলাৰ এটা পথ আৰক্ষীয়ে ছিল কৰি দিয়াত প্ৰায় দুশজন প্ৰতিবাদকাৰী সেই পথতে আৱদ্ধ হৈ পৰে । গোটেই নিশা আৱদ্ধ হৈ থকাৰ পাছত আজি পুৱা পলায়ন কৰিবলৈ সক্ষম হয় শতাধিক প্ৰতিবাদকাৰী ।
স্থানীয় সংবাদ মাধ্যমে জনায় যে, প্ৰায় ৪০ জন প্ৰতিবাদকাৰীক আৰক্ষীয়ে গ্ৰেপ্তাৰ কৰে । কালি ইয়াংগনৰ বিভিন্ন অঞ্চলত নতুনকৈ প্ৰতিবাদ আৰম্ভ হয় ।
সেনা শাসনৰ অৱসান আৰু অঙ্গ ছান ছ্যু কীসহ নিৰ্বাচিত চৰকাৰী নেতাসকলৰ মুক্তি বিচাৰি প্ৰতিবাদ কৰি এই পৰ্যন্ত ৫৪ জন লোকে প্ৰাণ হেৰুৱাইছে । ৰাষ্ট্ৰসংঘৰ সচিব এণ্ট’নিয়’ গুটৰেছে জনায় যে, সোমবাৰে আটক কৰা প্ৰতিবাদকাৰীসকলৰ ভিতৰত বহু সংখ্যকেই মহিলা আছিল যিসকলে আন্তৰ্জাতিক নাৰী দিৱসৰ সমদলত যোগ দিছিল ।
হিংসা প্ৰত্যাহাৰ কৰি তেওঁলোকক মুক্তি দিয়াৰ বাবে ম্যানমাৰৰ সেনাক আহ্বান জনাইছিল গুটৰেছে । ম্যানমাৰৰ ব্ৰিটিছ আৰু আমেৰিকাৰ দূতাবাসৰ পৰাও একেই আহ্বান জনোৱা হয় ।
