মাংস কম পোৱাৰ বাবেই বৰযাত্ৰীৰ তাণ্ডৱ । ঘটনাটো সংগঠিত হৈছে গলচিৰ বামোনাৰা গাঁৱত । বিয়াৰ অনুষ্ঠান শেষ হোৱাৰ পাছত আৰম্ভ হৈছিল খোৱাৰ পৰ্ব । হঠাতে, দৰাঘৰৰ দাবী খোৱাৰ পাতত মাংস কম। বিয়া ঘৰতে লাগিল হুলস্থূল ।ভাঙি পেলোৱা হ’ল বিয়াৰ পেণ্ডেল।
ঘটনাটো শান্ত হোৱাৰ পাছতে কইনাক দৰাৰ ঘৰলৈ নিয়াৰ সময়তে লাগিল কন্দল। সামান্য বিষয়ত ধুমুহাৰ সৃষ্টি কৰা ঘটনাটোৰ পৰিয়ালৰ পুত্ৰৰ লগত বিয়া নকৰোৱাৰ সিদ্ধান্ত ল’লে কইনাই।পৰিয়ালৰ চুবুৰীয়াসকলেও গলচিৰ বামোনাৰা গাঁৱত কইনাৰ সিদ্ধান্তক সমৰ্থন কৰিছিল।
কইনাৰ দেউতাক চাজাহান মণ্ডলে এই সন্দৰ্ভত কয় যে প্ৰথমতে ঘটনাটোক লৈ মই আচৰিত হৈছিলোঁ কিন্তু পাছত ছোৱালীজনীৰ সিদ্ধান্ত টো সঠিক যেন লাগিল।
লগতে বিয়াত বহাৰ কইনা গৰাকীয়ে কয় “মই অলপ মাংসৰ বাবে বিয়াৰ ঘৰ লণ্ডভণ্ড কৰিব পৰা সকলৰ ঘৰৰ পত্নী হ’ব নোৱাৰো। স্থানীয় সূত্ৰ অনুসৰি, গলচিৰ বামুনাৰা গাওঁৰ বাসিন্দা সায়ান মণ্ডল শুক্ৰবাৰে ৭০ জন বৰযাত্ৰীৰ লগত বিয়া কৰিবলৈ আহিছিল।
কইনাৰ পৰিয়ালে জনায় যে বিয়াটো দুপৰীয়া মছজিদত তেওঁলোকৰ বিয়া সম্পন্ন হৈছিল। ঘৰত আছিল উৎসৱৰ পৰিৱেশ । ৰীতি অনুসৰি, কাজি আহে আৰু পঞ্জীয়ন কৰে।
তেতিয়াই বৰযাত্ৰীয়ে খাবলৈ বহে আৰু দাবী কৰে যে মাংস কম দিয়া হৈছে। দুয়োপক্ষত মনুমালিন্য হয় ।ত পাছতে বৰযাত্ৰীসকলে বিয়াৰ পেণ্ডেল ভাঙি লণ্ডভণ্ড কৰিবলৈ আৰম্ভ কৰে।
খবৰ পাইয়ে, আৰক্ষীয়ে আহি ঘটনাস্থলীত উপস্থিত হয় আৰু দৰাৰ পিতৃৰ লগতে কিছুআত্মীয়ক আটক কৰে। স্থানীয় বাসিন্দাসকলে কয় যে বাকীসকল আৰক্ষী অহাৰ আগতেই সেই স্থানৰ পৰা পলায়ন কৰে ।
পৰিয়ালৰ সূত্ৰই কয় যে দুয়োপক্ষই শনিবাৰে বিষয়টো আলোচনা কৰিছিল।বিষয়টো প্ৰায় সমাধান হৈছিল যদিও কিন্তু তেতিয়াই কইনাগৰাকীয়ে বিবাহৰ বিচ্ছেদৰ কথা ঘোষণা কৰে।