ধুবুৰীত ভয়ংকৰ অগ্নিকাণ্ড

আজি সন্ধিয়া প্ৰায় চাৰে ছয় বজাত ধুবুৰীত ভয়ংকৰ অগ্নিকাণ্ড সংঘটিত হয়। অগ্নিকাণ্ডৰ ফলত ধুবুৰী চহৰৰ ইন্দিৰা গান্ধী পথৰ ১৪ নং ৱাৰ্ডৰ এটা পৰিয়াল সৰ্বসান্ত হয়। চহৰখনৰ ১৪ নম্বৰ ৱাৰ্ডৰ সুজয় দাসৰ ঘৰত সংঘটিত হোৱা অগ্নিকাণ্ডৰ ফলত ঘৰৰ আচবাব পত্ৰ আৰু নথি পত্ৰ ভস্মীভূত হৈ যায় ।

চাহৰ দোকানৰ ওপৰত জীৱিকা নিৰ্বাহ কৰা সুজয় দাস নামৰ দৰিদ্ৰ পৰিয়ালটোৰ দুটাকৈ টিঙৰ গৃহ সম্পূৰ্ণৰূপে জাহ যায়।

দুখনকৈ অগ্নিনিৰ্বাপক বাহিনীৰ গাড়ীৰে জুই নিৰ্বাপন কৰা হয়, যদিও কথমপি ৰক্ষা পৰিল অঞ্চলটোৰ শতাধিক পৰিয়াল ।

অগ্নিকাণ্ডৰ ফলত কে’বা লক্ষাধিক টকাৰ ক্ষয়-ক্ষতি হোৱাৰ আশংকা কৰা হৈছে । ইতিমধ্যে অগ্নিকাণ্ডৰ কাৰণ জানিব পৰা হোৱা নাই । আৰক্ষীয়ে তদন্ত আৰম্ভ কৰিছে ।