দেশত পুনৰ ত্ৰাসৰ সৃষ্টি কৰিছে কৰ’নাৰ দ্বিতীয় ঢৌয়ে । সকলো সাৱধানতাৰে পুনৰ গৃহবন্দী হৈছে সকলো। এইবাৰ শৰীৰত ৰোগ প্ৰতিৰোধ ক্ষমতা বৃদ্ধি কৰিবলৈ স্বাস্থ্যকৰ খাদ্য আৰু কিছুমান ঘৰত বনোৱা পানীয় খোৱা প্ৰয়োজন। এই পৰিস্থিতিত, যদি শৰীৰৰ ৰোগ প্ৰতিৰোধ ক্ষমতা বৃদ্ধি কৰা হয়, ই কৰ’না সংক্ৰমণৰ স’তে মোকাবিলা কৰিবলৈ সক্ষম হ’ব।
কিছুমান সৰল পদ্ধতি অনুসৰণ কৰি ঘৰত তৈয়াৰ কৰিব পৰা কিছুমান পানীয়, যিবোৰ এই প্ৰতিবেদনত উল্লেখ কৰা হৈছে। যি মানুহৰ ৰোগ প্ৰতিৰোধ প্ৰণালী আৰু উন্নত কৰিব পাৰে। আৰু এই সকলোবোৰ উপাদান সকলোৰে পাকঘৰত সহজে উপলব্ধ।
★ হালধি চাহ: ইয়াক হালধি, মৌ আৰু নেমুৰে প্ৰস্তুত কৰা হয়। হালধিত কাৰকিউমিন নামৰ এক যৌগ থাকে যি শৰীৰত ৰোগ প্ৰতিৰোধ ক্ষমতা বৃদ্ধি কৰাত সহায় কৰে আৰু ইয়াৰ শক্তিশালী এন্টি-ইনফ্লেমেটৰি যৌগটোৱে শৰীৰৰ বিষ উপশম কৰাত সহায় কৰিব পাৰে। এই পানীয় টো তৈয়াৰ কৰিবলৈ, ১৫-২০ মিনিটৰ বাবে পানীৰে হালধি উতলাওক, তাৰ পাছত সোৱাদ অনুসৰি নেমু আৰু মৌৰ স’তে গৰম পৰিৱেশন কৰক।
★ মচলা চাহ: এই ৰোগ প্ৰতিৰোধ ক্ষমতা বৰ্ধকৰ উপাদানবোৰ সকলোৰে পাকঘৰত সহজে উপলব্ধ। উদাহৰণ স্বৰূপে, আদা, ডালচেনি, জালুক, লং, ইলাচী, তুলসী পাত আৰু মৌ ৩০ মিনিটৰ বাবে পানীত উতলাওক। এই পানীয়ৰ এণ্টিবেক্টেৰিয়েল আৰু এণ্টিভাইৰেল গুণ আছে, যি ৰোগ প্ৰতিৰোধ ক্ষমতা দুগুণ কৰে।
★ গ্ৰীণ স্মুদি: এই স্বাস্থ্যকৰ আৰু সুস্বাদু সেউজীয়া চুপ গ্ৰীষ্মকালত বিশেষভাৱে উপযুক্ত খাদ্য। ইয়াত ভিটামিন এ, ভিটামিন চি, ফলিক এচিড আৰু অন্যান্য এণ্টিঅক্সিডেণ্ট থাকে। এই মিশ্ৰণটো তৈয়াৰ কৰিবলৈ কিছুমান পালেং শাক, আম, আনাৰস, নেমুৰ ৰস, সতেজ কটা আদাৰ প্ৰয়োজন হ’ব। মিশ্ৰণটো বাদাম গাখীৰ আৰু দৈৰে তৈয়াৰ কৰিব লাগে। ইয়াক ঠাণ্ডা পৰিৱেশন কৰিব লাগে।
★ হানি লেমনেড: এই মিশ্ৰণটো বনাওক, চাৰি কাপ পানী-কটা আদা, এক ইঞ্চি সমান ডালচেনি, তিনিটা নহৰু ৰস, এক চামুচ পুদিনা ৰস আৰু নেমুৰ ৰসেৰে ভালদৰে উতলাওক। তাৰ পাছত ইয়াক মৌৰ স’তে গৰম অৱস্থাত খাব। এই পানীয়টোৱে ডিঙিৰ বিষ আৰু কাহৰ পৰা যথেষ্ট সকাহ দিব।
★ কাঢ়া : সাধাৰণতে সকলোৰে পাকঘৰত এই উপাদানবোৰ থাকে। এটা বাটিত, ইয়াক তুলসী, লং, ডালচেনি, আদা, আজৱাইন, হালধি আৰু জালুকৰ স’তে পানীত উতলাওক। মৌ বা গুড় পৰিমাণত দিব পাৰি। চৰ্দিৰ স’তে যুঁজদিয়াত এই পানীয়টো অত্যন্ত উপকাৰী।