বুৰ্জ খলিফাত তিৰংগা, ভাৰতৰ স’তে থকাৰ বাৰ্তা সংযুক্ত আৰৱ আমিৰশাহিৰ

ভাৰতৰ ক’ভিড পৰিস্থিতিত ভাৰতৰ স’তে থকাৰ বাৰ্তা প্ৰেৰণ কৰিলে সংযুক্ত আৰৱ আমিৰশাহিয়ে । বিশ্বৰ উচ্চতম অট্টালিকা বুৰ্জ খলিফা ভাৰতৰ জাতীয় পতাকাৰে ৰঙীন কৰিলে তেওঁলোকে ।

কেমেৰাত বন্দী হ’ল সেই দৃশ্য । ইতিমধ্যে সামাজিক মাধ্যমতো ভাইৰেল হৈ পৰিছে । আমিৰশাহিৰ এই পদক্ষেৰ প্ৰশংসা কৰিছে সামাজিক মাধ্যম ব্যৱহাৰকাৰীসকলে ।

অৱশ্যে বুৰ্জ খলিফাত আগতেও এনে ধৰণৰ ঘটনা দেখিবলৈ পোৱা গৈছে । বলীউডৰ কিং ছাহৰুখ খানৰ জন্মদিনৰ দিনাখনো এনেদৰে জন্মদিনৰ শুভেচ্ছা দিছিল ।