ক’ভিডৰ দ্বিতীয় ঢৌৱে দেশত পুনৰ ত্ৰাসৰ সৃষ্টি কৰিছে। এই অৱস্থাত বিমান পৰিবহন মন্ত্ৰালয়ে বিমানৰ যাত্ৰীসকলৰ সুৰক্ষাৰ প্ৰতি লক্ষ্য ৰাখি কঠোৰ ব্যৱস্থা গ্ৰহণৰ নিৰ্দেশ দিছে। মন্ত্ৰালয়ে কোনো পৰিস্থিতিত খাদ্যৰ জৰিয়তে সংক্ৰমণ বিয়পি নপৰাটো নিশ্চিত কৰিবলৈ বিমান সেৱা কঠোৰ কৰাৰ সিদ্ধান্ত লৈছে।
কেন্দ্ৰীয় অসামৰিক বিমান পৰিবহন মন্ত্ৰালয়ৰ এজন বিষয়াই কয়, “কোনো সন্দেহ নাই যে ক’ভিড পৰিস্থিতিৰ যথেষ্ট অৱনতি ঘটিছে।” কিন্তু বিমান সেৱা সম্পূৰ্ণৰূপে বন্ধ কৰাৰ এতিয়াও কল্পনা কৰা হোৱা নাই। ভৱিষ্যতে পৰিস্থিতিৰ অধিক অৱনতি হ’লে সিদ্ধান্ত ল’ব লাগিব। “
নিৰ্দেশনাৱলীত কোৱা হৈছে যে বিমানত দুঘণ্টাতকৈ অধিক সময় ভ্ৰমণ কৰা যাত্ৰীসকলক খাদ্য দিব পাৰি পৰিব কিন্তু তেওঁলোক সকলোকে পেকেটিং খাদ্য দিব লাগিব।
আনকি খাদ্য দিয়া সামগ্ৰীও এবাৰতকৈ অধিক ব্যৱহাৰ কৰিব নোৱাৰিব। আনকি চাহ, কফিৰ দৰে পানীয়ও বন্ধ পাত্ৰত পৰিৱেশন কৰিব লাগিব। এইসমূহ নিয়ম সঠিক ভাবে পালন কৰা হৈছে নে নাই সেই সমূহত চকু ৰাখিব মন্ত্ৰকে।
ইয়াৰ মূল উদ্দেশ্য হৈছে বিমান ভ্ৰমণত যিমান সম্ভৱ সিমান স্পৰ্শ পৰিহাৰ কৰা। সেইকাৰণে এই নিৰ্দেশনাবোৰ কঠোৰভাৱে অনুসৰণ কৰা হৈছে।