ক’ভিডৰ দ্বিতীয় ঢৌৱে সমগ্ৰ দেশবাসীৰ মাজত হাহাকাৰ অৱস্থাৰ সৃষ্টি কৰাৰ সময়তে আজি পশ্চিমবংগ চৰকাৰে অসম তথা উত্তৰ পূৰ্বাঞ্চলৰ পৰা বংগ অভিমুখে যোৱা সকলো যাত্ৰীবাহী বাহনক প্ৰবেশত বাধা আৰোপ কৰিছে ৷
অসম-বংগ সীমান্তৰ পাকৰিগুৰিত কৰ্তব্যৰত বংগ আৰক্ষীয়ে অসম দিশৰ পৰা যোৱা কোনো এখনো যাত্ৰীৱাহী বহানক প্ৰৱেশ কৰিবলৈ দিয়া নাই ৷
ফলত অসমৰ পৰা বিহাৰ,পশ্চিম বংগলৈ যাবলৈ লোৱা যাত্ৰী সকলৰ মাজত হাহাকাৰ অবস্থাৰ সৃষ্টি হৈছে ৷ দুপুৰীয়া ১২ বজাৰ পৰা আবদ্ধ হৈ থকা যাত্ৰী সকলে খাদ্য-পানীৰ বাবে যথেষ্ট সমস্যাত পৰিছে ৷
দুৰ্ভোগ ভুগি থকা যাত্ৰীসকলে সীমান্তত বংগ আৰক্ষীক প্ৰশ্ন কৰিছে যদিও কোনো সুদোত্তৰ পোৱা নাই ৷ ক’ভিডৰ বাবে বংগ চৰকাৰৰ হৎকাৰী সিদ্ধান্তত আবদ্ধ হৈ থকা যাত্ৰী সকলে চৰম দুৰ্ভোগ ভুগিছে ৷