বিপিএফৰ গোসাঁইগাঁও জিলা সমিতিৰ সভাপতি তথা ২৮ নং গোসাঁইগাঁও সমষ্টিত একেৰাহে চতুৰ্থ বাৰলৈ নিৰ্বাচিত হোৱা বিধায়ক মাজেন্দ্ৰ নাৰ্জাৰীৰ আজি ক’ভিড আক্ৰান্ত হৈ বিয়োগ ঘটে ৷
গুৱাহাটী মেডিকেল কলেজ হাস্পতালত চিকিৎসাধীন হৈ থকা ৬৮ বছৰীয়া বিধায়কজনে পুৱা ৫-৫০ বজাত শেষ নিশ্বাস ত্যাগ কৰে ।
কিছু দিন পূৰ্বে তেওঁ ক’ভিডত আক্ৰান্ত হৈ পোনতে কোকৰাঝাৰ অসামৰিক চিকিৎসালয়ত আৰু তাৰ পাছত ছিএমচিএইচ-ত চিকিৎসাধীন হৈ আছিল ৷ কিন্তু চিকিৎসাধীন অৱস্থাৰ পৰা সুস্থ হৈ উঠাৰ পৰিপ্ৰেক্ষিতত চিকিৎসকে কালি চিকিৎসালয়ৰ পৰা তেওঁক বিদায় দিছিল ৷
আজি অকস্মাৎ তেওঁৰ স্বাস্থ্যৰ পুনৰ অৱনতি ঘটাত তেওঁক ততাতয়াকৈ জিএমচিএইচ-ত পুনৰ ভৰ্তি কৰা হৈছিল আৰু তেওঁৰ মগজুৰ ৰক্তক্ষৰণ হোৱা বুলি চিকিৎসকে জনাইছিল ।
তেওঁৰ মৃত্যুত মুখ্যমন্ত্ৰী হিমন্ত বিশ্ব শৰ্মা, ইউপিপিএলৰ মুখ্য প্ৰমোদ বড়ো, বিপিএফৰ মুখ্য হাগ্ৰামা মহিলাৰী, ৰাজ্যসভাৰ সাংসদ ৰিপোন বৰাই গভীৰ শোক প্ৰকাশ কৰিছে আৰু তেওঁৰ পৰিয়ালবৰ্গলৈ সমবেদনা জ্ঞাপন কৰিছে ।
বিশিষ্ট বিধায়কজনৰ বিয়োগে সমগ্ৰ ৰাজ্যতে শোকৰ ছাঁ পেলাইছে ।
গোঁসাইগাঁও সমষ্টিৰ বিধায়ক মাজেন্দ্ৰ নাৰ্জাৰীৰ অকাল বিয়োগত মৰ্মাহত হৈছোঁ। অসমবাসীয়ে এগৰাকী নিষ্ঠাৱান ৰাজনীতিবিদক হেৰুৱালে। মই প্ৰয়াত নাৰ্জাৰীৰ বিদেহ আত্মাৰ সদগতি কামনাৰ লগতে তেওঁৰ শোকসন্তপ্ত পৰিয়ালবৰ্গলৈ সমবেদনা জনালোঁ। pic.twitter.com/6bbkDDNRgW
— Himanta Biswa Sarma (Modi Ka Parivar) (@himantabiswa) May 26, 2021
https://m.facebook.com/story.php?story_fbid=313469800274919&id=105642244391010&sfnsn=wiwspmo
https://m.facebook.com/story.php?story_fbid=3840096416215844&id=100006465708263&sfnsn=wiwspmo
