এতিয়াৰে পৰা কেন্দ্রীয় তদন্তকাৰী সংস্থা (চি বি আই)ৰ বিষয়া অথবা কৰ্মচাৰীয়ে জিন্ছ, টি ছার্ট আৰু স্প’ৰ্টছ জোতা পৰিধান কৰিব নােৱাৰিব।
কর্তব্যৰত অৱস্থাত চি বি আইৰ বিষয়া-কর্মীয়ে নির্দিষ্ট পােছাক বিধি মানি চলিব লাগিব। চি বি আইৰ নতুন সঞ্চালক সুবােধ কুমাৰ জয়ছােৱালে দায়িত্ব গ্রহণৰ পাছত কর্তব্যৰত অৱস্থাত তদন্তকাৰী সংস্থাৰ বিষয়া-কৰ্মীৰ বাবে পােছাক বিধি নির্দিষ্ট কৰি দিলে।
জয়ছােৱালে নির্দেশ দি কয় যে সংস্থাটোৰ প্ৰতিজন বিষয়া-কৰ্মচাৰীয়ে কৰ্মৰত অৱস্থাত কেৱল ফর্মেল’ পােছাকহে পিন্ধিব পাৰিব। কার্যালয়ৰ লগতে কৰ্তব্যৰত অৱস্থাত কোনাে বিষয়া-কৰ্মীয়ে জিনছ, টি ছার্ট আৰু স্পৰ্টছ জোতা পিন্ধিব নােৱাৰিব।
পুৰুষ বিষয়া-কৰ্মীয়ে ফর্মেল ছার্ট, পেন্ট আৰু জোতা পিন্ধিব লাগিব। আনহাতে, মহিলা কর্মী-বিষয়াই শাড়ী, চুৰিডাৰ-কামিজ অথবা আন ফর্মেল পােছাক পিন্ধিব লাগিব। উল্লেখ্য যে যােৱা বুধবাৰে জয়ছােৱালে কেন্দ্রীয় তদন্তকাৰী সংস্থাটোৰ ৩৩ সংখ্যক সঞ্চালক হিচাপে দায়িত্ব গ্রহণ কৰিছিল।
