দেশৰ বান পৰিস্থিতি নিয়ন্ত্ৰণৰ প্ৰস্তুতি সম্পৰ্কে কেন্দ্ৰীয় গৃহমন্ত্ৰী অমিত শ্বাহৰ বৈঠক

অসম-বিহাৰ-উত্তৰ প্ৰদেশ-পশ্চিম বংগৰ বানপানী প্ৰতিৰোধৰ প্ৰস্তুতিৰ পুনৰীক্ষণ

কেন্দ্ৰীয় গৃহমন্ত্ৰী অমিত শ্বাহে মঙলবাৰে দেশৰ বান পৰিস্থিতিৰে মোকাবিলাৰ প্ৰস্তুতিৰ খতিয়ান ল’বলৈ এক উচ্চ স্তৰীয় বৈঠকত অংশগ্ৰহণ কৰে ৷ এই বৈঠকত আইএমডি, জলশক্তি মন্ত্ৰণালয়, চিডব্লিউচি আৰু এনডিআৰএফৰ মাজত এক নতুন সমন্বয় সৃষ্টিৰ বাবে বিশেষ পদক্ষেপ গ্ৰহণ কৰা হয় ৷ লগতে গৃহমন্ত্ৰীগৰাকীয়ে বিশেষকৈঅসম, বিহাৰ, উত্তৰ প্ৰদেশ আৰু পশ্চিমবংগত বানপানী প্ৰতিৰোধৰ প্ৰস্তুতিৰো বুজ লয় ।

উল্লেখ্য, সংশ্লিষ্ট ৰাজ্যসমূহৰ অধিকাংশ অঞ্চল গংগা আৰু ব্ৰহ্মপুত্ৰ নদীৰ পানীৰে প্লাবিত হৈ থকা দেখা যায় ৷ এই ক্ষেত্ৰত কেন্দ্ৰীয় গৃহমন্ত্ৰীয়ে বিষয়াসকলক কেন্দ্ৰ আৰু ৰাজ্যিক সংস্থাসমূহৰ মাজত সমন্বয় স্থাপন কৰিবলৈ নিৰ্দেশ দিয়ে ৷ গৃহমন্ত্ৰী শ্বাহে জলশক্তি মন্ত্ৰণালয়ক বৃহৎ বান্ধসমূহৰ ডিছেল্টিং প্ৰণালীৰ ওপৰত কাম কৰিবলৈ নিৰ্দেশ দিয়ে ৷ ইয়াৰ জৰিয়তে বান্ধসমূহৰ ক্ষমতা বৃদ্ধি পাব আৰু বানপানী নিয়ন্ত্ৰণতো সহায়ক হ’ব বুলি তেওঁ কয় ৷

কেন্দ্ৰীয় গৃহমন্ত্ৰীগৰাকীয়ে ইণ্ডিয়া মেটেৰ’ল’জিকেল ডিপাৰ্টমেণ্ট (আইএমডি) আৰু কেন্দ্ৰীয় জল আয়োগৰ দৰে বিশেষ সংস্থাসমূহক ষ্টেট-অৱ-দা-আৰ্ট প্ৰযুক্তি তথা উপগ্ৰহীয় তথ্য ব্যৱহাৰ কৰিবলৈও পৰামৰ্শ দিয়ে ৷ এই ক্ষেত্ৰত মন্ত্ৰীগৰাকীয়ে দূৰদৰ্শন, এফএম ৰেডিঅ’, এছএমএছ অথবা অন্যান্য মাধ্যমৰ জৰিয়তে সতৰ্কতামূলক বাৰ্তা প্ৰেৰণ আদিৰ বাবে এছঅ’পি প্ৰকাশৰ বাবে নিৰ্দেশ দিয়ে ৷ তদুপৰি তেওঁ উমংগ, ৰেইন এলাৰ্ম আৰু ডামিনীৰ দৰে বিভিন্ন ম’বাইল এপৰ জৰিয়তেও যথা সম্ভৱ প্ৰচাৰ চলাবলৈ নিৰ্দেশ দিয়ে যাতে অধিক লোক সজাগ হ’ব পাৰে ৷

কেন্দ্ৰীয় স্বাস্থ্যমন্ত্ৰী শ্বাহে এই বুলিও পৰামৰ্শ দিয়ে যে আমাৰ নদী প্ৰণালীসমূহত বৃদ্ধি হোৱা গেদসমূহৰ ক্ষেত্ৰত উপগ্ৰহীয় এপ্লিকেচনৰ জৰিয়তে অধ্যয়ন প্ৰক্ৰিয়াৰ ব্যৱস্থা কৰিব লাগে ৷ তাৰোপৰি তেওঁ নদীসমূহৰ পানীৰ গতিৰ ক্ষেত্ৰতো সংবেদনশীল হোৱাটো আৱশ্যক বুলি মত পোষণ কৰে ৷

आज बाढ़ प्रबंधन पर एक बैठक की, जिसमें हर साल देश के विभिन्न हिस्सों में आने वाली बाढ़ की समस्या के संबंध में एक व्यापक व दीर्घकालिक नीति की समीक्षा की। संबंधित विभागों के समन्वय व नवीनतम तकनीकों का उपयोग कर जान माल के नुकसान को कैसे कम किया जा सके इसपर बल दिया। pic.twitter.com/viHMT2ZKbH

— Amit Shah (Modi Ka Parivar) (@AmitShah) June 15, 2021

মন্ত্ৰীগৰাকীয়ে এনডিআৰএফৰ সঞ্চালক প্ৰধানক বানাক্ৰান্ত ৰাজ্যসমূহৰ এছডিআৰএফৰ মুখ্য বিষয়াসকলৰ স’তে বৈঠক অনুষ্ঠিত কৰিবলৈ নিৰ্দেশ দিয়ে ৷

বৈঠকখনত কেন্দ্ৰীয় জলশক্তি মন্ত্ৰী গজেন্দ্ৰ সিং শেখাৱট, ৰাজ্যিক গৃহ পৰিক্ৰমা মন্ত্ৰী নিত্যানন্দ ৰায়, গৃহ পৰিক্ৰমা, জল সম্পদ, ভূ-বিজ্ঞান মন্ত্ৰণালয়/বিভাগৰ সচিব, এনডিএমএৰ সদস্য সচিব, আইএমডি আৰু এনডিআৰএফৰ সঞ্চালক প্ৰধান, চিডব্লিউচিৰ অধ্যক্ষ আৰু অন্যান্য জ্যেষ্ঠ বিষয়াসকলো উপস্থিত আছিল ৷