গুৰুত্বৰভাৱে অসুস্থ উত্তৰপ্ৰদেশৰ প্ৰাক্তন মুখ্যমন্ত্ৰী কল্যাণ সিঙক আইচিইউ-ত ভৰ্তি কৰোৱা হৈছে । সূত্ৰ অনুসৰি, ৮৯ বছৰীয়া এই ৰাজনীতিবিদজন বিগত কিছু সপ্তাহৰ পৰাই অসুস্থ হৈ আছিল । দেওবাৰে সন্ধিয়া তেওঁক লক্ষ্ণৌৰ সঞ্জয় গান্ধী প’ষ্ট গ্ৰেজুৱেট ইনষ্টিটিউট অৱ মেডিকেল ছাইন্সেচ (এছচিজিপিটিআই)ত লৈ যোৱা হয় ।
এছচিজিপিটিআই-য়ে এক লিখিত বিবৃতি জাৰি কৰি কয়, ‘হাস্পতালত ভৰ্তি কৰোৱাৰ সময়ত কল্যাণ সিঙৰ ৰক্তচাপ আৰু হৃদস্পন্দন স্বাভাৱিক আছিল । কিন্তু তেওঁ অচেতন হৈ আছিল । তেওঁৰ পূৰ্বৰ শাৰীৰিক উপসৰ্গৰ প্ৰতি লক্ষ্য ৰাখি আইচিইউ-ত ভৰ্তি কৰোৱা হৈছে ।’
आज लखनऊ स्थित डॉ.राम मनोहर लोहिया आयुर्विज्ञान संस्थान पहुंचकर राजस्थान के पूर्व राज्यपाल एवं उ.प्र. के पूर्व CM श्री कल्याण सिंह जी के स्वास्थ्य के बारे में जानकारी प्राप्त की व डॉक्टरों को देखभाल हेतु निर्देशित किया।
प्रभु श्री राम से प्रार्थना है कि आपको शीघ्र स्वस्थ करें। pic.twitter.com/VLjEQVey0G
— Yogi Adityanath (मोदी का परिवार) (@myogiadityanath) July 4, 2021
চিকিৎসালয় কৰ্তৃপক্ষই লগতে জনায় যে, এই প্ৰবীণ ৰাজনীতিবিদজনৰ চিকিৎসাৰ বাবে নেফ্ৰোলজি, কাৰ্ডিঅ’লজি, নিউৰোলজি, এণ্ডোক্ৰিনোলজি আৰু নিউৰো-অটোলজিৰ বিশেষজ্ঞসকলক লৈ এটা পেনেল গঠন কৰা হৈছে । সম্প্ৰতি তেওঁলোকৰ পৰ্যৱেক্ষণতে থাকিব কল্যাণ ।
বিজেপি নেতা তথা ৰাজস্থানৰ ৰাজ্যপাল কল্যাণৰ অসুস্থতাৰ বিষয়ে জানিব পাৰি তেওঁৰ খবৰ ল’বলৈ যায় কেন্দ্ৰীয় প্ৰতিৰক্ষামন্ত্ৰী ৰাজনাথ সিং, উত্তৰপ্ৰদেশৰ মুখ্যমন্ত্ৰী যোগী আদিত্যনাথ, ৰাজ্যখনৰ বিজেপি সভাপতি স্বতন্ত্ৰ দেৱ সিং প্ৰমুখ্যে । কল্যাণৰ দ্ৰুত আৰোগ্য কামনা কৰিছে তেওঁলোকে ।