উত্তৰপ্ৰদেশ, মধ্যপ্ৰদেশ আৰু ৰাজস্থানত বজ্ৰপাত পৰি ৬৮ জনৰ মৃত্যু হয় আৰু ১৭ জন আহত । এই ঘটনাত শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে । জয়পুৰত ৱাচ্টাৱাৰত ফটো তুলি থাকোতে ১১ জনৰ মৃত্যু হয় ।
কেৱল উত্তৰপ্ৰদেশতে শুকুৰবাৰে বজ্ৰপাতত ৪১ জনৰ মৃত্যু হয় । ৰাজস্থানত ২০ জন । মধ্যপ্ৰদেশত সাতজন । প্ৰধানমন্ত্ৰীয়ে টুইট কৰি কয়, ‘ৰাজস্থানৰ কিছুমান অঞ্চলত বজ্ৰপাতৰ ফলত কিছুসংখ্যক লোকৰ মৃত্যু হৈছে । এই ঘটনা অতি মৰ্মান্তিক । মৃতসকলৰ পৰিয়ালবৰ্গক সমবেদনা জনালো ।’
ৰাজস্থানত মৃত্যু হোৱা সকলৰ ভিতৰত ১১ জন জয়পুৰৰ, চাৰিজন কোটা, তিনিজন ঢোলপুৰ, এজন ঝালাৱাৰ আৰু এজন বাৰানৰ বাসিন্দা । জয়পুৰৰ অমেৰত ৱাচ্টাৱাৰত ৪০ মিনিটৰ ভিতৰত একেলেথাৰি দুবাৰ বজ্ৰপাত পৰি ১১ জনৰ মৃত্যু হৈছে । আহতসকলক জয়পুৰৰ ছাৱাই মান সিং চিকিৎসালয়ত ভৰ্তি কৰোৱা হৈছে ।
राजस्थान के कुछ इलाकों में आकाशीय बिजली गिरने से कई लोगों को अपनी जान गंवानी पड़ी है। इससे अत्यंत दुख हुआ है। मैं मृतकों के परिजनों के प्रति अपनी गहरी संवेदना व्यक्त करता हूं: PM @narendramodi
— PMO India (@PMOIndia) July 12, 2021
শোক প্ৰকাশৰ লগতে মৃতসকলৰ পৰিয়ালক পাঁচ লাখ টকাৰ ক্ষতিপূৰণ দিয়াৰ কথা ঘোষণা কৰে ৰাজস্থানৰ মুখ্যমন্ত্ৰী অশোক গহলৌটে । ৰাজস্থানৰ প্ৰাক্তন মুখ্যমন্ত্ৰী শচীন পাইলট আৰু বসুন্ধৰা ৰাজে সিন্ধিয়াও শোক প্ৰকাশ কৰে এই ঘটনাত ।
