জেভলিনত যুটীয়া পদক জয় ভাৰতৰ । টকিঅ’ পেৰালিম্পিকত ৰূপ জয় কৰিলে দেবেন্দ্র ঝাঝাৰিয়াই । সেই ইভেন্টত ব্রঞ্জো লাভ কৰিছে ভাৰতে । সুন্দৰ সিং গুৰজাৰে ব্রঞ্জ জয় কৰিছে ।
সোমবাৰে তেওঁ ৬৪.৩৫ মিটাৰ দূৰত্বত জেভলিন থ্ৰ’ কৰে । যোৱাবাৰৰ পেৰালিম্পিকত সোণ জয় কৰিছিল দেবেন্দ্রই । এইবাৰ ৰূপৰ পদক লৈয়েই তেওঁ সন্তুষ্ট হ’বলগীয়া হয় । পেৰালিম্পিকত তৃতীয় পদক জয় দেবেন্দ্ৰৰ । প্ৰধানমন্ত্ৰী নৰেন্দ্র মোদীয়ে টুইট কৰি লিখে, “ভাল পাৰফৰমেন্স দেবেন্দ্রৰ । আমাৰ অন্যতম অভিজ্ঞ পেৰালিম্পিয়ানে ৰূপৰ পদক জয় কৰিছে । দেবেন্দ্রই প্ৰতিবাৰে ভাৰতক গর্বিত কৰি আহিছে । তেওঁলৈ শুভেচ্ছা । আগন্তুক সময়ৰ বাবেও শুভেচ্ছা ।”
ব্রঞ্জজয়ী সুন্দৰে জেভলিন থ্ৰ’ কৰে ৬৪.০১ মিটাৰ দূৰত্বত । ২০১৫ ত এক দুর্ঘটনাত বাওঁহাতখন হেৰুৱায় সুন্দৰে । ২০১৭ আৰু ২০১৯ ত বিশ্ব পেৰা এথলেটিক চেম্পিয়নশ্বিপত তেওঁ সোণ জয় কৰিছিল ।
তেওঁক উদ্দেশ্যি টুইট কৰি প্ৰধানমন্ত্ৰী মোদীয়ে লিখে, ‘সুন্দৰৰ ব্রঞ্জ জয়ত ভাৰত আপ্লুত । বাৰুকৈয়ে সাহস দেখুৱালে সুন্দৰে । সুন্দৰক শুভেচ্ছা জনাইছো ।’
Superb performance by @DevJhajharia! One of our most experienced athletes wins a Silver medal. Devendra has been making India continuously proud. Congratulations to him. Best of luck for his future endeavours. #Paralympics pic.twitter.com/204B90fXbv
— Narendra Modi (@narendramodi) August 30, 2021
এই ইভেন্টত সোণ জয় কৰিছে শ্রীলংকাৰ দীনেশ প্রিয়ান হেৰাথে । তেওঁ ৬৭.৭৯ মিটাৰ দূৰত্বত জেভলিন থ্ৰ’ কৰে । দীনেশে বিশ্ব অভিলেখ গঢ়িলে ।
India is overjoyed by the Bronze medal won by @SundarSGurjar. He has shown remarkable courage and dedication. Congratulations to him. Wishing him the very best. #Paralympics pic.twitter.com/irTIHefCoH
— Narendra Modi (@narendramodi) August 30, 2021
