শৃংখল চলিহাৰ বিৰুদ্ধে সৰব সদৌ অসম বাঙালি যুৱ ছাত্র ফেডাৰেচনৰ কোকৰাঝাৰ জিলা সমিতি।আজি তুলসীবিলত সদৌ অসম বাঙালি যুৱ ছাত্র ফেডাৰেচনৰ কোকৰাঝাৰ জিলা সমিতিয়ে প্ৰতিবাদ সাব্যস্ত কৰি শৃংখল চলিহা মূৰ্দাবাদ,বাঙালি বিৰোধী হুচিয়াৰ,বাঙালি ফেডাৰেচন জিন্দাবাদ,জয় আই অসম আদি শ্লোগানেৰে পৰিৱেশ উত্তাল কৰি তোলে।
উক্ত প্ৰতিবাদী কাৰ্যসূচীত উপস্থিত থাকে সদৌ অসম বাঙালি যুৱ ছাত্র ফেডাৰেচনৰ বিচিআৰ ক্ষেত্রীয় সমিতিৰ সভাপতি গোপাল ঘোষ, কোকৰাঝাৰ জিলা সমিতিৰ সভাপতি ইন্দ্ৰজীৎ দেবনাথ, সাধাৰণ সম্পাদক দীপক দাসৰ লগতে বিভিন্ন কৰ্ম কৰ্তাসকল।
শৃংখল চলিহাক বাঙালি জাতিক লৈ কটু মন্তব্য নকৰিবলৈ সকিয়নি প্ৰদান কৰে সদৌ অসম বাঙালি যুৱ ছাত্র ফেডাৰেচনৰ কোকৰাঝাৰ জিলাৰ সভাপতি ইন্দ্রজিৎ দেবনাথে।
ইপিনে সদৌ অসম বাঙালি যুৱ ছাত্র ফেডাৰেচনৰ বিচিআৰ ক্ষেত্রীয় সমিতিৰ সভাপতি গোপাল ঘোষে কয় যে সদৌ অসম বাঙালি যুৱ ছাত্র ফেডাৰেচন পাবত গজা সংগঠন নহয়।শ শ শ্বহীদৰ তেজৰ বিনিময়ত জন্মলাভ কৰা সংগঠন।
লগতে সদৌ অসম বাঙালি যুৱ ছাত্র ফেডাৰেচনৰ কোকৰাঝাৰ জিলাৰ সাধাৰণ সম্পাদক দীপক দাসে কয় ,” আমি অসমৰ মাটিত জন্মলাভ কৰি ডাঙৰ দীঘল হোৱা। আমি কলিকতীয়া বা ঢাকাৰ বাঙালি নহয়। আমিও জয় আই অসম বুলি কওঁ ।”