বৰপেটা জিলাৰ কলগাছিয়াৰ শওঁপুৰত বিধ্বংসী গৰাখহনীয়াৰ কবলত পৰি ৪২টা পৰিয়ালে ঘৰ-মাটি-ভেটি সমস্ত হেৰাই পথৰ ভিক্ষাৰীত পৰিণত হৈছে ।
নদীৰ গৰাৰ পৰা মাত্ৰ চাৰি মিটাৰ নিলগত আছে কৰাৰকুৰৰ পৰা কলগাছিয়ালৈ যোৱা গড়কাপ্তানি পথটো ।
শীঘ্ৰেই গৰাখহনীয়া প্ৰতিৰোধৰ কাম নকৰিলে খুব কম সময়ৰ ভিতৰত পথটো নদীৰ বুকুত জাঁহ যোৱাৰ পূৰ্ণ সম্ভাৱনা আছে ।
নদীৰ গৰাখহনীয়াত সৰ্বস্বান্ত হোৱা লোকে গৰাখহনীয়াত সৰ্বস্বান্ত হোৱাৰ প্ৰমাণপত্ৰ, পুনৰ সংস্থাপন আৰু আৰ্থিক সাহাৰ্য্য কামনা কৰিছে ।
এই ক্ষেত্ৰত জিলা প্ৰশাসন আৰু অসম চৰকাৰৰ মুখ্যমন্ত্ৰী হিমন্ত বিশ্ব শৰ্মা আৰু জলসম্পদ মন্ত্ৰী পিযুষ হাজৰিকাক বেঁকী নৈৰ গৰাখহনীয়া প্ৰতিৰোধৰ ব্যৱস্থা কৰিবলৈ বিভিন্ন মহলে দাবী জনাইছে ।