এনপিচিআই-আইএএমএ-ৰ দ্বাৰা সংগঠিত গ্লোবেল ফিনটেক ফেষ্টত ইউআইডিএআইৰ মুখ্য কাৰ্যবাহী বিষয়া সৌৰভ গাৰ্গে জনাইছে আৰ্থিক প্ৰযুক্তিৰ ক্ষেত্ৰত আধাৰ ব্যৱহাৰৰ বহুতো সুযোগ আছে।
ইয়াৰ লগতে তেওঁ জনায় যে গ্ৰাহকসকলৰ বাবে আধাৰ ভেৰিফিকেছনৰ ব্যয় ২০ টকাৰ পৰা তিনি টকালৈ হ্ৰাস কৰা হৈছে।
সৌৰভ গাৰ্গে জনাইছে, প্ৰতিটো প্ৰমাণীকৰণৰ ব্যয় ২০ টকাৰ পৰা তিনি টকালৈ হ্ৰাস কৰা হৈছে। বিভিন্ন সংস্থা আৰু প্ৰতিষ্ঠানৰ জৰিয়তে চৰকাৰ-নিৰ্মিত ডিজিটেল আন্তঃগাঁথনিৰ উন্নত ব্যৱহাৰৰ বাবে ব্যয় হ্ৰাস কৰা হৈছে। মানুহৰ জীৱন সহজ কৰি তুলিবলৈ এই আন্তঃগাঁথনি ব্যৱহাৰ কৰা প্ৰয়োজন।
তেওঁ লগতে কয় যে ৯৯ কোটি ই-কেৱাইচিৰ বাবে আধাৰ ব্যৱহাৰ কৰা হৈছে। ইউআইডিএআইয়ে কাৰো স’তে বায়োমেট্ৰিক তথ্য শ্বেয়াৰ নকৰে আৰু তেওঁলোকে আশা কৰে যে আন সকলো কৰ্তৃপক্ষই চৰকাৰৰ দৰেই সুৰক্ষা আৰু গোপনীয়তা বজাই ৰাখিব।
আধাৰ কাৰ্ড পাবলৈ কোনো ধন পৰিশোধ নকৰিলেও, সাধাৰণ মানুহে আধাৰ কাৰ্ডৰ নাম, ঠিকনা আৰু অন্যান্য তথ্য সলনি কৰিবলৈ পৰিশোধ কৰিব লাগিব।
তথ্য সংক্ৰান্ত পৰিৱৰ্তনৰ বাবে ৫০টকা আৰু বায়োমেট্ৰিক পৰিৱৰ্তনৰ বাবে ১০০ টকা পৰিশোধ কৰিব লাগিব।
ভাৰতত এটা বাধ্যতামূলক নথি হ’ল আধাৰ। কেন্দ্ৰীয় চৰকাৰে সকলো আঁচনি আধাৰৰ স’তে সংযুক্ত কৰিছে।
কৃষকসকলৰ বাবে চৰকাৰৰ দ্বাৰা পৰিচালিত যোজনা যেনে পিএম-কিষাণ নিধি যোজনা আধাৰ প্লেটফৰ্মৰ ওপৰত ভিত্তি কৰি চলিছে । ইয়াৰ অধীনত প্ৰতি চাৰি মাহত প্ৰায় ১০ কোটি কৃষকক ২০০০ টকা পৰিশোধ কৰা হয়। আধাৰ প্ৰমাণীকৰণৰ অৰ্থ হৈছে আধাৰ নম্বৰ ব্যৱহাৰ কৰি আঁচনি এখনৰ হিতাধিকাৰীক সঠিকভাৱে চিনাক্ত কৰা।
