ধুবুৰী জিলাৰ অন্তৰ্গত তামাৰহাটৰ এগৰাকী যুৱতী নাম পূজা ৰায় । উজানপেটলা দ্বিতীয় খণ্ড গাঁৱৰ বিজ্ঞান বিভাগৰ স্নাতক শ্ৰেণীৰ ছাত্ৰী পূজা । ভিতৰুৱা অঞ্চলৰ যুৱতীগৰাকীৰ যোগৰ প্ৰতি পূৰ্বৰ পৰাই ধাউতি আছিল; কিন্তু আৰ্থিক দৈন্যতাৰ বাবে যোগৰ আনুষ্ঠানিক শিক্ষা লোৱাৰ ক্ষেত্ৰত ব্যৰ্থ হৈ পৰে । পাছত ছ’চিয়েল মিডিয়াৰ পৰা যোগ আহৰণ কৰি কোনো প্ৰশিক্ষণ নোলোৱাকৈ নিজ ঘৰত চর্চা কৰি আহিছে যুৱতীগৰাকীয়ে ।
প্ৰায়ভাগ কঠিন যোগাসন কৰিব পাৰে যুৱতীগৰাকীয়ে । পূজাই নিজ গৃহত কৰা যোগ চর্চাৰ ভিডিঅ’ ছ’চিয়েল মিডিয়াত ভাইৰেল হৈ পৰে । নিতৌ ঘৰতে যোগ চর্চা কৰি আহিছে যুৱতীগৰাকীয়ে । নিতৌ যোগ চৰ্চাৰ দ্বাৰা বিভিন্ন ৰোগৰ নিৰাময় হয় । মানৱ জীৱনত যোগৰ ভূমিকা অপৰিসীম । যোগে মানুহক কঠিন বেমাৰৰ পৰা মুক্ত কৰে । সকলোৱে সুস্থ থকাৰ বাবে কৰ্ম ব্যস্ততাৰ মাজতো নিতৌ নিয়মানুসাৰে যোগাসন কৰিব লাগে বুলি উল্লেখ কৰে যুৱতীগৰাকীয়ে ।
নৱ প্ৰজন্মক হাতত ম’বাইল লৈ সময় নষ্ট নকৰি সু-স্বাস্থ্যৰ বাবে নিতৌ শৰীৰ চর্চা কৰিবলৈ আহ্বান জনায় যুৱতীগৰাকীয়ে ।
