মেঘালয়ত নোৱাৰিলেও মিজোৰামত দলৰ ভাঙোন ৰোধ কৰিবলৈ তৎপৰ কংগ্রেছ । সদ্য পদত্যাগ কৰা প্রদেশ কংগ্রেছ সভাপতি লাল থানহাওলাক (Lal Thanhawla) কংগ্রেছ ৱর্কিং কমিটীৰ সদস্য বনালে ছোনিয়া গান্ধীয়ে ।
মিজোৰমত কংগ্রেছ আৰু লাল থানহাওলা প্রায় সমার্থক শব্দ । পাঁচবাৰত ২২ বছৰৰো অধিক মুখ্যমন্ত্রী থকাৰ লগতে প্রায় পাঁচ দশক তেৱেঁই মিজো কংগ্রেছ প্রধান আছিল । মাত্র ৩৪ বছৰ বয়সতে ১৯৭৩ত তেওঁক প্রদেশ সভাপতিৰ দায়িত্ব দিয়া হয় । স্বাভাৱিকভাৱেই গান্ধী পৰিয়ালৰ স’তে তেওঁৰ ঘনিষ্ঠতা প্রৱল আছিল । কংগ্রেছ সূত্রে খবৰ, প্রায় তিনি সপ্তাহ আগতে তেওঁ সভানেত্রী ছোনিয়া গান্ধীলৈ (Sonia Gandhi) পদত্যাগপত্র প্ৰেৰণ কৰে । যুক্তি আছিল এইবাৰ নতুনসকলৰ হাতত কংগ্রেছৰ দায়িত্বভাৰ তুলি দিয়াৰ সময় আহিছে । ৮০ বছৰীয়া কংগ্রেছ নেতাই যে কোনো কাৰণতেই ৰাজনৈতিক বনবাসত নাযায়, তাৰ প্রমাণো পোৱা গৈছে পদত্যাগপত্রৰ কিছু মন্তব্যত ।
কংগ্রেছ সূত্রে খবৰ, পুৰণি বন্ধু আৰু বিস্বস্ত নেতাৰ পদত্যাগ পত্ৰ অৱশ্যে আৰম্ভণিতে স্বীকাৰ কৰা নাই ছোনিয়াই । তেওঁ বিভিন্ন কাৰণত সিদ্ধান্ত সলনি কৰাৰ বার্তা দিয়ে । থানহাওলাক দিল্লিতো মাতি পঠিয়ায় ছোনিয়াই । কিন্তু সাৰ্থক নহয় । অৱশেষত শনিবাৰে চৰকাৰীভাৱে পত্ৰ প্ৰেৰণ কৰি তেওঁল পদত্যাগ মানি লয় ছোনিয়াই । থানহাওলাৰ পদত্যাগৰ স’তে সাম্প্রতিক সময়ত ঘটি যোৱা ঘটনাৰ সাদৃশ্য দেখিছিল বিশেষজ্ঞসকলে ।
এনেদৰেই বয়সৰ কাৰণ দেখুৱাই কংগ্রেছৰ পৰা অব্যাহতি ল’লে গোৱাৰ প্রাক্তন মুখ্যমন্ত্রী লুইজিনহো ফেলেইৰোৱে । প্রদেশ সভাপতি হোৱাৰ প্রস্তাৱ দিয়ে যদিও তেওঁ মান্তি নহয় । তেওঁৰ কয় যে, তেওঁৰ নেতৃত্বত চাৰি বছৰ আগতে গোৱাত কংগ্রেছ সর্বাধিক আসনত জয়ী হ’লেও হাইকমাণ্ডৰ ব্যর্থতাত চৰকাৰ গঠন কৰা নহয় । ফলত তেওঁ কোনো কাৰণতেই কংগ্রেছত থাকিবলৈ মান্তি নহয় ।
গোৱাৰ ফর্মুলা এইবাৰ মিজোৰামতো দেখা যাব নেকি ? এই প্রশ্নৰ উত্থাপন হৈছে দেশথ ৰাজনৈতিক মহলত । সেই ক্ষেত্রত মেঘালয়ৰ পাছত উত্তৰ-পূর্বাঞ্চলত বৃহৎ প্ৰভাৱ পৰিব কংগ্রেছত । এই সমূহকে লৈ প্রশ্ন উত্থাপিত হৈছিল । সেই সময়তে দলৰ ফাট ৰোধ কৰিবলৈ পদক্ষেপ গ্ৰহণ কৰিলে কংগ্রেছৰ শীর্ষ নেতৃত্বই । লাল থানহাওলাক দলৰ কার্যকৰী সমিতিত অনা হয় ।