বদৌচা স্পৰ্টচ ক্লাৱৰ উদ্যোগত,অসম ক্ৰীড়া সন্থাৰ তত্বাৱধানত অসমৰ ১৬ টা স্থানত কালিৰ পৰা আৰম্ভ হোৱা আন্ত:ৰাষ্ট্ৰীয় আমন্ত্ৰণমূলক ১৩ সংখ্যক ‘বদৌচ কাপ’ৰ আজি বালিজান ৰাজহুৱা খেলপথাৰত ডুমডুমা মৰনিং ক্লাৱ বনাম কাকপথাৰ এফ চি মাজত মাজত হোৱা খেলখনত ডুমডুমা মৰনিং ক্লাৱে কাকপথাৰ এফ চি দলক ৩-০ গ’লত পৰাস্ত কৰি সম্পূৰ্ণ পইণ্ট লাভ কৰে।
ডুমডুমা মৰনিং ক্লাৱৰ হৈ চান্টুল মুণ্ডাই ১৬ মিনিটত এটা আৰু মহেন্দ্ৰ শইকীয়াই ২৭ আৰু ৪৮ মিনিটত দুটাকৈ গ’ল দিয়ে । খেল পৰিচালনা কৰে মুখ্য পৰিচালক হিচাপে ইনুট চাউৰকে ,সহযোগী পৰিচালক হিচাপে সহায় কৰে ৰিয়াত চুতীয়া আৰু ৰকী চাউৰকে চতুৰ্থ ৰেফাৰী হিচাপে ইনুত চাউৰকে সহায় কৰে ।
আজিৰ খেলৰ শ্ৰেষ্ঠ খেলুৱৈ সন্মান লাভ কৰে ডুমডুমা মৰনিং ক্লাৱৰ চান্টুলা মুণ্ডাই ৷ বুঢ়ীদিহিংৰ ডিব্ৰুপুৰীয়া খেলপথাৰত ন তাৰিখে মুখামুখি হ’ব কাকপথাৰ এফ চি বনাম মৰাণ টাউন ক্লাৱৰ মাজত ৷
