যিফালে চাই, সিফালেই টকাৰ নোট ! পীযূষ জৈন নামে কানপুৰৰ এজন ব্যৱসায়ীৰ গৃহত তালাচী চলাই ১৫০ কোটিৰ নোট উদ্ধাৰ কৰিছে আয়কৰ বিভাগে । লগতে তেওঁৰ একাধিক সংস্থাতো তালাচী চলোৱা হৈছে । কানপুৰৰ আয়কৰ বিভাগে প’ষ্ট কৰা ছবিত দেখা গৈছে, বিষয়াসকলে মাটিত নোটৰ স্তূপত বহি মেচিনৰ সহায়ত টকা গণনা কৰিছে ।
অন্য ছবিত দেখা গৈছে, পীযূষৰ ঘৰৰ আলমাৰীত ভর্তি হৈ আছে টকা । নোটবোৰ সৰু সৰু বাকচত ৰখা হৈছে । হালধীয়া টেপেৰে বাকচৰ মুখ বন্ধ কৰা আছে । আয়কৰ বিভাগ সূত্রে জনোৱা হৈছে, শুকুৰবাৰে পুৱা পর্যন্ত ১৫০ কোটি টকাৰ নোট উদ্ধাৰ কৰা হৈছে । কানপুৰৰ লগতে মুম্বাইতো পীযূষৰ কাৰ্যালয়ত তালাচী চলোৱা হৈছে ।
100+ करोड़ कैश मिला है समाजवादी परफ्यूम लॉन्च करने वाले व्यापारी के घर से। pic.twitter.com/6zo0odVLur
— Prashant Umrao (Modi Ka Parivar) (@ippatel) December 23, 2021
কৰ ফাঁকি দিয়াৰ অভিযোগতেই আয়কৰ বিভাগৰ বিষয়াসকলে তালাচী চলাইছে । বিষয়াসকলে জনাইছে, ব্যৱসায়ীজনৰ বিৰুদ্ধে ভুৱা ইনভয়েছ দি সামগ্ৰী পঠোৱা, ই-ৱে বিল অবিহনে সামগ্ৰী পঠোৱাৰ অভিযোগ উত্থাপিত হৈছিল । ভুৱা সংস্থাৰ নামতো ইনভয়েছ তৈয়াৰ কৰাৰ অভিযোগ আছিল । ৫০ হেজাৰ টকাৰ দুশটা এনে ভুৱা ইনভয়েছ পোৱা গৈছে বুলি অভিযোগ পীযূষৰ সংস্থাৰ বিৰুদ্ধে ।
#WATCH | As per Central Board of Indirect Taxes and Customs chairman Vivek Johri, about Rs 150 crores have been seized in the raid, counting still underway.
Visuals from businessman Piyush Jain's residence in Kanpur. pic.twitter.com/u7aBTJhGxW
— ANI (@ANI) December 24, 2021
আয়কৰ বিভাগৰ বিষয়াসকলে প্রথমে আনন্দপুৰীত পীযূষৰ ঘৰত তালাচী চলায় । তাতেই উদ্ধাৰ হয় ১৫০ কোটিৰ নোট । পীযূষৰ সুগন্ধী দ্রব্যৰ ব্যৱসায় আছে । লগতে তেওঁৰ কোল্ড ষ্টোৰ, পেট্র’ল পাম্পৰো ব্যৱসায় আছে । তেওঁ মুম্বাইৰ এটা শ্ব’-ৰুমৰ স্বত্বাধিকাৰী । কানপুৰত আয়কৰ বিভাগৰ বিষয়াসকলৰ স’তে মুম্বাইৰ বিষয়াসকলেও যোগ দিয়ে তালাচী অভিযানত ।