শনিবাৰে জম্মু-কাশ্মীৰৰ শ্বপিয়ান (Shopian) জিলাত নিৰাপত্তাবাহিনীৰ স’তে সংঘৰ্ষত লস্কৰ-ই-তৈবা (LeT) সংগঠনৰ দুজন উগ্ৰপন্থী নিহত হয়। এই খবৰল প্ৰকাশ কৰে জম্মু আৰু কাশ্মীৰ আৰক্ষীয়ে ।
আৰক্ষীৰ এজন মুখপাত্ৰই কয় যে দক্ষিণ কাশ্মীৰৰ শ্বপিয়ানৰ কিলবাল (Kilbal) গাঁৱত সন্ত্ৰাসবাদীৰ উপস্থিতি সম্পৰ্কে এক নিৰ্দিষ্ট ইনপুটৰ ওপৰত ভিত্তি কৰি অঞ্চলটোৰ চাৰিওফালে এটা তালাচী অভিযান আৰম্ভ কৰা হৈছিল।
আৰক্ষীৰ মুখপাত্ৰজনে জনাইছে ,”অনুসন্ধান অভিযানৰ সময়ত, যুটীয়া অনুসন্ধানকাৰী দলটো সন্দেহজনক স্থানৰ ফালে আগবাঢ়ি যোৱাৰ লগে লগে লুকাই থকা সন্ত্ৰাসবাদীসকলে যুটীয়া অনুসন্ধানকাৰী দলটোৰ ওপৰত নিৰ্বিচাৰ ভাৱে গুলী চালনা কৰে যাৰ প্ৰতিশোধ লোৱা হয় । ইয়াৰ ফলত এটা এনকাউণ্টাৰ হয়। ”
এই এনকাউণ্টাৰটোত নিষিদ্ধ সন্ত্ৰাসবাদী সংগঠন LeT (TRF)ৰ দুজন সন্ত্ৰাসবাদী নিহত হয়।তথ্য অনুসৰি তেওঁলোকৰ মৃতদেহ সংঘৰ্ষস্থলীৰ পৰা উদ্ধাৰ কৰা হৈছে।
উগ্ৰপন্থীসকলক শ্বপিয়ানৰ ধাংগামৰ বাসিন্দা সমীৰ আহমেদ শ্বাহ আৰু পুলৱামাৰ ৰইছ আহমেদ মীৰ বুলি চিনাক্ত কৰা হৈছে।
আৰক্ষীৰ তথ্য অনুসৰি, আৰক্ষীৰ ৰেকৰ্ড অনুসৰি নিহত সন্ত্ৰাসবাদী দুয়োজন নিৰাপত্তা বাহিনীৰ ওপৰত আক্ৰমণ আৰু সাধাৰণ লোকৰ বিৰুদ্ধে হিংসাকে ধৰি কেবাটাও সন্ত্ৰাসবাদী অপৰাধত জড়িত আছিল।
সংঘৰ্ষস্থলীৰ পৰা আপত্তিজনক সামগ্ৰী, অস্ত্ৰ-শস্ত্ৰ আৰু গোলাবাৰুদ উদ্ধাৰ কৰা হৈছিল। তথ্য অনুসৰি উদ্ধাৰ হোৱা সকলো সামগ্ৰী অনুসন্ধানৰ বাবে কেছ ৰেকৰ্ডত লোৱা হৈছে ।