অ’মিক্ৰনত আক্ৰান্ত হোৱাৰ পাছত, শৰীৰত এনে এক ‘শক্তিশালী’ ৰোগ প্ৰতিৰোধ ক্ষমতা বিকশিত হয়, যি পৰৱৰ্তী সময়ত অ’মিক্ৰনৰ লগতে ক’ৰনা ভাইৰাছৰ অন্যান্য প্ৰজাতিৰ সংক্ৰমণৰ আশংকাও হ্ৰাস কৰে।
আনকি উদ্বেগজনক ষ্ট্ৰেন হিচাপে পৰিচিত ডেল্টাৰ সংক্ৰমণকো সহজে কৰ্তন কৰাত সহায় কৰে এই এণ্টিবডীয়ে । ভাৰতীয় চিকিৎসা গৱেষণা পৰিষদৰ (আইচিএমআৰ) এক বিশেষ সমীক্ষাত এইটো প্ৰকাশ কৰা হৈছে।
ডেল্টা সংক্ৰামক ক্ষমতা আৰু সংক্ৰমিত লোকসকলৰ সামগ্ৰিক স্বাস্থ্যৰ ওপৰত ইয়াৰ কুপ্ৰভাৱ বিশেষজ্ঞসকলক চিন্তিত কৰে । অৱশ্যে, অ’মিক্ৰনৰ পৰা তৈয়াৰ কৰা এণ্টিবডীৰ বিষয়ে এই নতুন তথ্য সন্মুখলৈ অহাৰ পাছত, তেওঁলোকে এতিয়া সেই ক্ষেত্ৰত আশাৰ ৰশ্মি দেখিছে।
সেয়েহে অ’মিক্ৰন-নিৰ্দিষ্ট টিকাকৰণ কৌশলেৰে প্ৰয়োজনীয়তাৰ ওপৰত গুৰুত্ব আৰোপ কৰিছে বিশেষজ্ঞসকলে।
এই পৰ্যালোচনাৰ বাবে মুঠ ৩৯ জন লোকৰ পৰীক্ষা কৰা হৈছিল বুলি আইচিএমআৰ সূত্ৰই জনায়। তাৰে ভিতৰত, ২৫ জনক এষ্ট্ৰজেনেকাই প্ৰস্তুত কৰা ভেকছিনৰ দুটা পালি দিয়া হৈছিল।
আঠজন লোকক ফাইজাৰৰ দুটা পালি দিয়া হৈছিল। বাকী ছয়জনক টিকাকৰণ কৰা হোৱা নাছিল। ৩৯ জনৰ ভিতৰত, ২৮ জন বিদেশৰ পৰা উভতি অহা । তেওঁ সংযুক্ত আৰৱ আমিৰাশ্বাহি, আফ্ৰিকা, আমেৰিকা আৰু ব্ৰিটেইনৰ বিভিন্ন অঞ্চলৰ পৰা অহা। তেওঁলোক সকলো অ’মিক্ৰনত সংক্ৰমিত হৈছিল বুলি বিশেষজ্ঞসকলে কয়।
আই.চি.এম.আৰ.-ৰ বিবৃতি অনুসৰি, “অ’মিইক্ৰন ভুক্তভোগীসকলৰ বিষয়ে আমাৰ সমীক্ষাই যথেষ্ট প্ৰতিৰোধ দেখুৱাইছে। শৰীৰত উৎপাদিত এণ্টিবডীয়ে অ’মিক্ৰনৰ লগতে ডেল্টাকে ধৰি অন্যান্য ‘উদ্বেগৰ প্ৰকাৰ’ৰ বিৰুদ্ধে তেওঁলোকৰ কাৰ্যকৰীতা প্ৰমাণ কৰিছে। ”