মধ্য এছিয়াৰ নিৰাপত্তাৰ ক্ষেত্ৰত প্ৰধান প্ৰত্যাহ্বান হৈ আহিছে তালিবান । লস্কৰ, আল কায়েদাৰ দৰে উগ্ৰপন্থী সংগঠনে জেহাদীৰ শাসনত দেশখনত শক্তি লাভ কৰিছে। এনে পৰিস্থিতিত, ভাৰতে মধ্য এছিয়াৰ পাঁচখন দেশৰ স’তে যুটীয়া কাৰ্যসমিতি গঠন কৰাৰ পথত।
প্ৰধানমন্ত্ৰী নৰেন্দ্ৰ মোদীয়ে বৃহস্পতিবাৰে প্ৰথম ভাৰত-মধ্য এছিয়া সন্মিলনত মধ্য এছিয়াৰ পাঁচখন দেশৰ ৰাষ্ট্ৰপ্ৰধানসকলৰ স’তে এক ভাৰ্চুৱেল বৈঠক অনুষ্ঠিত কৰে।
সন্মিলনখনত কাজাখস্তানৰ ৰাষ্ট্ৰপতি কাছিম জোমাৰ্ট টোকায়েভ, উজবেকিস্তানৰ ৰাষ্ট্ৰপতি শৱকত মিৰ্জাইয়েভ, তাজিকিস্তানৰ ৰাষ্ট্ৰপতি এমোমালি ৰহমন, তুৰ্কমেনিস্তানৰ ৰাষ্ট্ৰপতি গুৰাঙ্গুলি বেৰ্দিমুহামেদেও আৰু কিৰগিজিস্তানৰ চাদিৰ জাপাৰোভ উপস্থিত আছিল।
তথ্য অনুসৰি আফগানিস্তানত তালিবানৰ উত্থানৰ কথা মনত ৰাখি, ৰাষ্ট্ৰপ্ৰধানসকলৰ মাজত আঞ্চলিক নিৰাপত্তাৰ বিষয়ে আলোচনা কৰা হৈছিল ।
বৈঠকত তেওঁলোকে শান্তিপূৰ্ণ আৰু স্থিৰ আফগানিস্তান গঢ়ি তুলিবলৈ সন্মত হয়। ইয়াৰ উপৰিও, দেশৰ সাৰ্বভৌমত্ব আৰু আভ্যন্তৰীণ বিষয়ত হস্তক্ষেপ নকৰাৰ সিদ্ধান্তও লোৱা হয়।
সন্মিলনৰ পাছত এক বিবৃতিত ভাৰতৰ বৈদেশিক পৰিক্ৰমা মন্ত্ৰালয়ে কয়, “বৈঠকত অংশগ্ৰহণকাৰী দেশসমূহৰ মুৰব্বীসকলে অসুৰক্ষা পৰিষদৰ প্ৰস্তাৱ ২৫৯৩ নম্বৰ প্ৰস্তাৱৰ গুৰুত্ব ব্যাখ্যা কৰি ইয়াক সমৰ্থন জনাইছিল। ২০২১ চনৰ প্ৰস্তাৱ অনুসৰি, আফগানিস্তানত সন্ত্ৰাসবাদীসকলক স্থান দিব নোৱাৰি। তেওঁলোকে আফগানিস্তানৰ ওপৰত এখন যুটীয়া কাৰ্যকৰী সমিতি গঠন কৰাৰ সিদ্ধান্ত লৈছে। “সন্মিলনত ভাষণ প্ৰদান কৰি প্ৰধানমন্ত্ৰী মোদীয়ে তিনিটা মুখ্য বিষয়ত অতিৰিক্ত গুৰুত্ব আৰোপ কৰে।
