২০০৮ত আহমেদাবাদত ধাৰাবাহিক বিস্ফোৰণ গোচৰত দোষী সাব্যস্ত হোৱা ৪৯ জনৰ ভিতৰত ৩৮ জনক ফাঁচীৰ দণ্ড ঘোষণা কৰিছে গুজৰাটৰ (BJP Gujarat) বিশেষ আদালতে । সেই বিষয়ত গুজৰাট বিজেপিয়ে প’ষ্ট কৰা এটা কার্টুনক লৈ তীব্র বিতর্কৰ সৃষ্টি হয় । ফলত টুইটাৰৰ ৰোষত পৰে গেৰুৱা শিবিৰ । প’ষ্টটোক ধর্মান্ধতাৰ প্রতীক বুলি দাবী কৰি সৰৱ হয় অনেকেই। বিতর্কৰ পৰা সাৰিবলৈ প’ষ্টটো ডিলিট কৰে টুইটাৰে ।
গুজৰাট বিজেপিৰ অফিচিয়েল টুইটাৰ (Twitter) হেণ্ডেলৰ পৰাই কার্টুনটো পোষ্ট কৰা হৈছে । য’ত দেখা গৈছে, মূৰত ফেজ টুপি পিন্ধা কেইজনমান লোকক ফাঁচী দিয়া হৈছে । পিছফালে উৰিছে ত্ৰিৰংগা । প’ষ্টত লিখা হৈছে, ‘সত্যমেৱ জয়তে’ । এই কার্টুনক কেন্দ্র কৰিয়ে উত্তাল হৈ উঠে সামাজিক মাধ্যম । এয়া সাম্প্রদায়িক উচতনিমূলক প’ষ্ট বুলিও দাবী কৰিছে নেটিজেনৰ একাংশই । টুইটাৰক এই সন্দৰ্ভত ৰিপ’র্টো কৰা হয় । তাৰ পাছতেই পদক্ষেপ গ্ৰহণ কৰে টুইটাৰে । বিতর্ক বঢ়াৰ আগতেই প’ষ্টটো ডিলিট কৰা হয় ।
https://twitter.com/asadowaisi/status/1495419387259486210?ref_src=twsrc%5Etfw%7Ctwcamp%5Etweetembed%7Ctwterm%5E1495419387259486210%7Ctwgr%5E%7Ctwcon%5Es1_c10&ref_url=https%3A%2F%2Fwww.sangbadpratidin.in%2Findia%2Fcartoon-of-gujarat-bjp-over-ahmedabad-blasts-case-verdict-causes-row-twitter-removes-it%2F
গুজৰাট বিজেপিৰ মুখপাত্র ইয়াগনেশ দাভে বিষয়টো স্বীকাৰ কৰি জনায়, আদালতৰ ৰায়ৰ প্রতিক্রিয়াতেই প’ষ্টটো কৰা হৈছিল । ইয়াৰ পিছত অন্য কোনো উদ্দেশ্য নাছিল । অৱশ্যে বিতর্কৰ সৃষ্টি হোৱাত টুইটাৰে প’ষ্টটো ডিলিট কৰে । টুইটাৰৰ লগতে কার্টুনটো ফেচবুক, ইনষ্টাগ্রামৰ দৰে সামাজিক প্লেটফর্মটো দেখা নাযাব ।
উল্লেখ্য, ২০০৮ৰ ২৬ জুলাইত ধাৰাবাহিক বিস্ফোৰণত কেপি উঠিছিল আহমেদাবাদ (Ahmedabad blasts) । সেদিনাখন ৭০ মিনিটৰ ভিতৰত ২১টা স্থানত বিস্ফোৰণ ঘটোৱা হৈছিল । এই বিস্ফোৰণত ৫৬ জনৰ মৃত্যু হয় । দুশৰো অধিক লোক আহত হৈছে । আৰক্ষীয়ে তদন্তত পায় যে, এই বিস্ফোৰণৰ ষড়যন্ত্র কৰিছিল ইণ্ডিয়ান মুজাহিদিন নামৰ এক সন্ত্ৰাসবাদী গোষ্ঠীয়ে । সন্দেহ কৰা হৈছে যে, ২০০২ত গোধৰা অগ্নিকাণ্ডৰ পাছত গুজৰাটত যি সংঘৰ্ষ হয়, তাৰেই প্ৰতিশোধ ল’বলৈ এই নাশকতামূলক চক্রান্ত কৰিছিল ইছলামপন্থী সন্ত্ৰাস গোষ্ঠীটোৱে । এই গোচৰত অভিযুক্ত ৭৭ জনৰ ভিতৰত ২৮ জনক অব্যাহতি দিয়া হয় । ৪৯ জনক দোষী সাব্যস্ত কৰা হয় । ইয়াৰে ৩৮ জনক ফাঁচীৰ ঘোষণা কৰা হৈছে ।
