Whats App: হোৱাটছএপ ব্যৱহাৰকাৰী সকলৰ বাবে সু-খবৰ !
এইবাৰ ষ্টেটাছ শ্বেয়াৰ কৰিব পাৰিব ইনষ্টাগ্ৰাম , ফেচবুকত
মেচেজিং এপ হিচাপে,আজিও জনপ্ৰিয়তাৰ শীৰ্ষত হোৱাটছএপৰ । তথাপিও,সময়ে সময়ে নতুন সুবিধা আগবঢ়াই আহিছে কোম্পানীটোৱে । কিন্তু এইবাৰ হোৱাটছএপে এটা ডাঙৰ চমক দিবলৈ সাজু হৈছে ।
তথ্য অনুসৰি,অতি শীঘ্ৰেই হোৱাটছএপ ব্যৱহাৰকাৰীসকলে ইনষ্টাগ্ৰাম আৰু ফেচবুকত ষ্টেটাছ আপডেট শ্বেয়াৰ কৰিবলৈ সক্ষম হ’ব ।
অৱশ্যে, স্বয়ংক্ৰিয়ভাৱে ই শ্বেয়াৰ নহয় । তাৰ বাবে, ‘হু কেন চি মাই ষ্টেটাছ’লৈ গৈ পৃথকভাবে ফেচবুক ষ্ট’ৰি আৰু ইনষ্টাগ্ৰাম ষ্ট’ৰি বাছনি কৰিব লাগিব ।
মেতাৰ ঘোষণা , তেওঁলোকে হোৱাটছএপক একাউণ্ট কেন্দ্ৰলৈ সলনি কৰিব বিচাৰে। অৱশ্যে, সেই ক্ষেত্ৰত চাট আৰু কলবোৰ আগৰ দৰেই এণ্ড-টু-এণ্ড এনক্ৰিপ্ট হৈ থাকিব।
অৱশ্যে, এই সুবিধা কেতিয়া মুকলি কৰা হ’ব সেয়া এতিয়াও জানিব পৰা হোৱা নাই । তথ্য অনুসৰি ইয়াৰ বাহিৰেও মেতাই বহুতো বৈশিষ্ট্যৰ ওপৰত কাম কৰি আছে।
যাৰ ভিতৰত এটা হ’ল মেনেজ অৱতাৰ, মেটা এআই ষ্টিকাৰ আৰু ইমাজিন মি ক্ৰিয়েচন একত্ৰিত কৰা। উল্লেযোগ্য যে ইয়াৰ উপৰিও নতুন সুবিধাও অনাৰ কথা জানিব পৰা গৈছে। যাৰ ভিতৰত এটা হৈছে কেমেৰাৰ ইফেক্ট ।
বিগত বৰ্ষত, ভিডিঅ’ কলৰ ক্ষেত্ৰত অনা হৈছিল নতুন কেমেৰা ইফেক্ট। এইবাৰ ফটো আৰু ভিদিঅ’ শ্বেয়াৰ কৰাৰ সময়ত ইউজাৰসকলে ব্যৱহাৰ কৰিব পাৰিব ৩০ টা বেগ্ৰাউণ্ড, ফিল্টাৰ আৰু ইফেক্ট !
অন্য এক সুবিধা যাৰ নাম ‘লিষ্ট’ যাৰ লক্ষ্যই হ’ল গ্ৰুপ চাট আৰু সহজ কৰা। এই বছৰৰ আৰম্ভণিতে আহিছিল চাট ফিল্টাৰ । এতিয়া হোৱাটছএপে সেই অভিজ্ঞতাক সমৃদ্ধ কৰিবলৈ আৰু এখোজ আগুৱাইছে ।
এই সুবিধাৰ সহায়ত, ব্যৱহাৰকাৰীসকলে তেওঁলোকৰ চাট’সমূহ পৃথকে সজাব পাৰে।
