হিজাব বিতর্ক চলি থকাৰ সময়তে এজন হিন্দুত্ববাদী সংগঠনৰ কর্মীক হত্যাৰ ঘটনাত উত্তেজনাৰ সৃষ্টি হৈছে কর্নাটকৰ শিৱমোগাত । অশান্তিৰ শংকাত অঞ্চলটোত ১৪৪ ধাৰা জাৰি কৰা হৈছে ।
আৰক্ষী সূত্রে জানিব পৰা মতে, দেওবাৰে নিশা ন বাজি ৩০ মিনিটত হত্যা কৰা হয় বজৰং দলৰ যুৱ কর্মী হর্ষক । কেইজনমান দুষ্কৃতীকাৰীয়ে তেওঁক ছুৰিৰে হানি হত্যা কৰে । তেওঁক উদ্ধাৰ কৰি হাস্পাতাললৈ লৈ যোৱা হয় যদীও চিকিৎসকে মৃত ঘোষণা কৰে । ঘটনাৰ পাছতেই শিৱমোগা চহৰৰ ছিগেহাট্টি অঞ্চলত উত্তেজনাৰ সৃষ্টি হৈছে । বহুকেএইখন গাড়ীত জুই লগাই দিয়া হয় ।
কর্নাটকৰ গৃহমন্ত্রীয়ে অৱশ্যে দাবী কৰিছে, চলিত হিজাব বিতর্কৰ স’তে বিষয়টো জড়িত নহয় । তেওঁ সকলোকে শান্ত থকাৰ আহ্বান জনাইছে । তেওঁ কয়, ‘‘তদন্ত চলিছে । অতি শীঘ্রই দোষীসকলক গ্রেপ্তাৰ কৰা হ’ব ।’’
আৰক্ষী সূত্রে খবৰ, হত্যাৰ তদন্তত এটা বিশেষ দল গঠন কৰা হৈছে । পৰিস্থিতি নিয়ন্ত্রণত ৰাখিবলৈ অঞ্চলত ৰেফ মোতায়েন কৰা হৈছে । এই হত্যা কাণ্ডত প্ৰায় চাৰিৰ পৰা পাঁচজন লোক জড়িত হৈ আছে বুলি সন্দেহ কৰা হৈছে ।
মুখ্যমন্ত্রী বাসবৰাজ বোম্মাইয়ে তদন্তৰ গতি-প্রকৃতি সন্দৰ্ভত গৃহমন্ত্রীৰ স’তে আলোচনা কৰিছে ।
