পদ্মশ্রী বঁটা লাভ কৰা ২৫ দিনৰ পাছতে মৃত্যু হ’ল অসমৰ সমাজসেৱী শকুন্তলা চৌধুৰীৰ । গুৱাহাটিৰ উলুবাৰীৰ কস্তুৰবা আশ্রমত তেওঁ জীৱনজুৰি সমাজ সেৱা কৰিছে । ১০২ বছৰ বয়সত তাতেই তেওঁ দেওবাৰে নিশা শেষ নিঃশ্বাস ত্যাগ কৰে । সমাজসেৱাৰ স্বীকৃতি হিচাপে শকুন্তলাই চলিত বৰ্ষৰ ২৬ জানুৱাৰীত পদ্মশ্রী লাভ কৰিছিল । অৱশ্যে তেতিয়ালৈকে তেওঁৰ স্মৃতি মচি গৈছিল ।
বিগত কিছুদিন ধৰি অসুস্থ হৈ আছিল শকুন্তলা । তেওঁৰ মৃত্যুত প্রধানমন্ত্রী নৰেন্দ্র মোদীয়ে শোক প্রকাশ কৰি লিখে, “গান্ধীবাদী আদৰ্শৰ প্ৰচাৰৰ ক্ষেত্ৰত কৰা জীৱনজোৰা প্ৰয়াসৰ বাবে শকুন্তলা চৌধুৰী চিৰস্মৰণীয় হৈ ৰ’ব । শৰণীয়া আশ্ৰমত তেওঁৰ মহান কামে বহু লোকৰ জীৱনত যোগাত্মক প্ৰভাৱ পেলাইছিল ।” ১৯৮৫ত শৰণিয়া পাহাৰত কস্তুৰবা আশ্রম তৈয়াৰ হৈছিল । তাত আৰম্ভ কৰা গ্রাম সেৱিকা বিদ্যালয়ৰ বাবে গান্ধীবাদী নেত্রী তথা আশ্রম পৰিচালিকা অমলপ্রভা দাসে শিক্ষিত যুৱতীৰ সন্ধান কৰিছিল । সেই সময়তেই, গান্ধীৰ আদর্শত অনুপ্রাণিত হৈ শকুন্তলাই আশ্রমৰ বাসিন্দা হয় । পৰৱর্তী সময়ত তেওঁ শিক্ষকতা কৰিলেও আশ্রমৰ কামো কৰি থাকে ।
গান্ধীবাদী আদৰ্শৰ প্ৰচাৰৰ ক্ষেত্ৰত কৰা জীৱনজোৰা প্ৰয়াসৰ বাবে শকুন্তলা চৌধুৰী চিৰস্মৰণীয় হৈ ৰ'ব। শৰণীয়া আশ্ৰমত তেওঁৰ মহান কামে বহু লোকৰ জীৱনত যোগাত্মক প্ৰভাৱ পেলাইছিল। তেওঁৰ মৃত্যুৰ বাতৰিয়ে দুঃখিত কৰিছে। তেওঁৰ পৰিয়াল আৰু শুভাকাংক্ষীসকললৈ সমবেদনা জনাইছো। ঔম শান্তি।
— Narendra Modi (@narendramodi) February 21, 2022
মিজোৰাম, নগালেণ্ড, মেঘালয়ৰ দুর্গম অঞ্চলত গৈও গান্ধীজিৰ আদর্শ প্রচাৰ কৰিছে শকুন্তলাই । ভূমিকম্প, বান, চীনৰ আক্রমণ, ভাষা আন্দোলনৰ দৰে বিভিন্ন অস্থিৰতাৰ সময়ত ত্রাণৰ বাবে তেওঁ সহায়ৰ হাত আগবঢ়াইছিল । বিনয় ভাবেৰে সমগ্র অসমত ঘূৰি আদর্শ প্রচাৰৰ কামো কৰে । কস্তুৰবা গান্ধী স্মাৰক ট্রাষ্টৰ প্রতিনিধি হয় । সাত দশক পাছত কাম আৰু পদৰ পৰা অৱসৰ লয় যদিও উপদেষ্টা আছিল । সমাজসেৱাৰ বাবে তেওঁ বহু পুৰস্কাৰেৰে সন্মানিত হৈছিল ।