ইউক্রেইন-ৰাছিয়াৰ যুদ্ধ পৰিস্থিতিক লৈ ৰাষ্ট্ৰসংঘত উদ্বেগ প্রকাশ কৰিলে ভাৰতে । বৃহস্পতিবাৰে ৰাষ্ট্ৰসংঘৰ নিৰাপত্তা পৰিষদৰ জৰুৰী বৈঠকত ভাৰতৰ স্থায়ী প্রতিনিধি টি এছ তিৰুমূর্তিয়ে কয়, ‘‘দুদিন আগতে নিৰাপত্তা পৰিষদে বৈঠক কৰিছিল আৰু পৰিস্থিতিক লৈ আলোচনা কৰিছিল । আমি দ্রুত উত্তেজনা কমোৱাৰ আহ্বান জনাইছিলো আৰু পৰিস্থিতি সম্পর্কিত সমস্ত সমস্যা মোকাবিলাত কার্যকৰী আৰু যুক্তিগ্রাহ্য কূটনীতিৰ ওপৰত জোৰ দিছিলো । কিন্তু দুখেৰে জনাইছো যে, উত্তেজনা প্রশমিত কৰিবৰ বাবে আন্তর্জাতিক মহলৰ সাম্প্রতিক উদ্যোগত সমাধান ওলোৱা নাই । সংশ্লিষ্ট পক্ষবোৰে সেই আহ্বানত কাণসাৰ দিয়া নাই । পৰিস্থিতি এটা বৃহৎ সংকটত পৰিণত হোৱাৰ শংকা আছে ।’’
বৃহস্পতিবাৰে ৰাছিয়াৰ ৰাষ্ট্ৰপতি ভ্লাদিমিৰ পুতিনে ইউক্রেইনত সেনা অভিযানৰ ঘোষণা কৰাৰ পাছতে যুদ্ধ পৰিস্থিতিৰ সৃষ্টি হৈছে । এই পৰিস্থিতিত ইউক্ৰেইনত থাকি যোৱা ২০ হেজাৰ ভাৰতীয় সেনাৰ নিৰাপত্তাক লৈ উদ্বেগ প্রকাশ কৰিছে তিৰুমূর্তিয়ে । লগতে, শীঘ্ৰে ইউক্রেইন সীমান্তত ‘সেনা সংখ্যা কম কৰাৰ’ (ডিএছকেলেছন)-ৰ আবেদন জনাইছে তেওঁ ।
সোমবাৰে নিশা পুতিনে ইউক্রেইনৰ ডোনেৎস্ক আৰু লুহানস্ক অঞ্চলক (যিসকলক একেলগে ডনবাছ কোৱা হয়) স্বাধীন ৰাষ্ট্র হিচাপে স্বীকৃতি দিয়াৰ ঘোষণাৰ পাছতেই নিৰাপত্তা পৰিষদ জৰুৰী বৈঠক আৰম্ভ কৰিছিল । তাত অস্থায়ী সদস্য ভাৰতৰ প্রতিনিধি তিৰুমূর্তিয়ে আলোচনাৰ মাধ্যমত সংকট সমাধানৰ আবেদন জনাইছিল । তেওঁ কয়, ‘‘ৰাছিয়া, ইউক্রেইন আৰু ইউৰোপৰ অ’এছচিই (অর্গানাইজেছন ফৰ ছিকিউৰিটি এণ্ড কো-অপাৰেছন ইন ইউৰোপ)-ভুক্ত দেশসমূহৰ স’তে গঠিত গোষ্ঠীৰ আলোচনাকেশ স্বাগত জনাইছে ভাৰতে ।’’
তেওঁ লগতে জনায়, ৰাছিয়া, ইউক্রেইন, জার্মানী আৰু ফ্রান্সৰ মাজত নৰমেণ্ডি পর্যায়ৰ আলোচনাৰ পক্ষতো ভাৰত । তিৰুমূর্তিয়ে কয়, ‘‘সম্প্ৰতি গঠনমূলক কূটনীতিয়ে একমাত্র পথ । গঠিত গোষ্ঠীৰ আলোচনাক স্বাগত জনাইছে ভাৰতে ।’’ তেওঁ লগতে কয়, ৰাছিয়া, ইউক্রেইন, জার্মানী আৰু ফ্রান্সৰ মাজত নৰমেণ্ডি পর্যায়ৰ আলোচনাৰো পক্ষত ভাৰত ।
বুধবাৰে নতুন দিল্লীত ভ্লাদিমিৰ পুতিন চৰকাৰৰ দূত (চার্জ দ্য এফেয়াৰ্ছ) ৰোমান বাবুস্কিনে ৰাষ্ট্ৰসংঘত নতুন দিল্লীৰ অৱস্থানক স্বাগত জনায় ।
