এহেজাৰ চাৰিশ কোটি টকাৰো অধিক ব্যয়ত নির্মিত পুনে (Pune) মেট্র’ প্রকল্পৰ অধীনত তৈয়াৰ হোৱা ৰেলপথৰ উদ্বোধন কৰিলে প্রধানমন্ত্রী নৰেন্দ্র মোদীয়ে (PM Modi) । মেট্র’ৰ মুঠ দৈর্ঘ্য ৩২.২ কিলোমিটাৰ যদিও প্রথম পৰ্যায়ত ১২ কিলোমিটাৰ ৰেলপথৰ উদ্বোধন কৰিলে । লগতে ছত্রপতি শিৱাজি মহাৰাজৰ এটা মূর্তিৰো আৱৰণ উন্মোচন কৰে তেওঁ । আজি উদ্বোধনৰ পাছত নিজেও মেট্ৰ’ত (Metro Rail) ভ্ৰমণ কৰে ।
ভানাজৰ পৰা গাৰৱাৰ ষ্টেচন পর্যন্ত প্রথম ট্রেইনযাত্রাৰ সংগী হয় মোদী । ইয়াৰ উপৰি, প্রথম টিকিটটোও তেঁৱেই কাটিছিল । পাছত নিজৰ টুইটাৰ একাউন্টত নিজৰ ট্রেইন ভ্ৰমণৰ ছবি শ্বেয়াৰ কৰে প্রধানমন্ত্রীয়ে । ২০১৬ৰ ২৪ ডিচেম্বৰত এই প্রকল্পৰ ভিত্তিপ্রস্তৰ স্থাপন কৰিছিল প্রধানমন্ত্রীয়ে । আজি প্রকল্পৰ উদ্বোধন কৰাৰ সময়তে তেওঁ কয়, “আপোনালোকে আমাক সুযোগ কৰি দিছে এইটো উৎসর্গা কৰাৰ । লগতে এটা বার্তাও দিয়া হৈছে যে, পৰিকল্পনা সময়ানুযায়ীয়েই সম্পূর্ণ কৰিব পৰা যায় ।”
On board the Pune Metro with my young friends. pic.twitter.com/QZi0AL0Uv2
— Narendra Modi (@narendramodi) March 6, 2022
অত্যাধুনিক প্রযুক্তিৰ জয়গান গোৱাৰ লগতে ইয়ৰ আগৰ কংগ্রেছ চৰকাৰকো তেওঁ কাঠগড়াত তুলিছে । তেওঁ কয়, “অলস মনোভাবেই দেশৰ উন্নয়নৰ বাধা ।” তেওঁ ঘোষণা কৰে, “আজিৰ ভাৰত দ্রুত আগবাঢ়িছে । সেয়ে গতিৰ ওপৰত আমি নজৰ ৰাখিব লাগিব । সেয়ে আমাৰ চৰকাৰে ‘পিএম গতিশক্তি নেচনেল মাষ্টাৰ প্লেন’ তৈয়াৰ কৰিছে ।”
প্ৰধানমন্ত্ৰী মোদীৰ ভ্ৰমণৰ বাবে পুনেত কঠোৰ নিৰাপত্তাৰ ব্যৱস্থা কৰা হয় । সতর্কতামূলক বহু পদক্ষেপ গ্ৰহণ কৰা হয় । ইয়াৰ পূৰ্বে তেওঁৰ পঞ্জাৱ ভ্ৰমণত নিৰাপত্তা লৈ যি বিতর্ক সৃষ্টি হৈছিল তাৰ প্ৰতি লক্ষ্য ৰাখিয়ে সতর্কতা বৃদ্ধি কৰা হৈছে ।
আজিৰ অনুষ্ঠানত মহাৰাষ্ট্রৰ মুখ্যমন্ত্রী উদ্ধৱ ঠাকৰেও উপস্থিত থাকে । উল্লেখ্য, কেন্দ্রৰ প্রতি তেওঁৰ অসন্তোষ বুজাবলৈ এনে কৰিলে শিৱসেনাৰ অন্যতম শীর্ষ নেতাই ।
